လၢကဘျံးပၤအံၤအလိၤ
- လီၢ်က၀ီၤတၢ်ထၢဖှိၣ်အလီၢ်တဖၣ်-မ့ၢ်တၢ်ကစူးကွံာ်နတၢ်ခိၣ်စူကနၣ်အ့ၣ်တဖၣ်လၢတၢ်လီၢ်ဖဲလဲၣ်
- တၢ်ခိၣ်စူကနၣ်အ့ၣ်တၢ်သံကွၢ်လၢညီနုၢ်တၢ်သံကွၢ်-တၢ်ဟံးဖီၣ်မၤတၢ်ဒီးတၢ်ပလီၢ်ပဒီလၢအဘၣ်လိာ်ဖိးဒ့တဖၣ်
- တၢ်ဂ့ၢ်တၢ်ကျိၤဆူညါအဂီၢ်
လီၢ်က၀ီၤတၢ်ထၢဖှိၣ်တၢ်ခိၣ်စူကနၣ်အ့ၣ်အလီၢ်အကျဲတဖၣ်
| တၢ်ကရၢကရိတဖၣ် | တၢ်ဟဲပာ်လီၤအလီၢ်တဖၣ် | တၢ်ထၢဖှိၣ်အနၣ်ရံၣ်တဖၣ် |
|---|---|---|
| Cayuga Medical Center 101 Dates Dr., Ithaca (607) 274-4114 (ခိၣ်ဃၢၤန့ဆၢၣ်ဂ့ၢ်၀ီအတၢ်မၤစၢၤအတၢ်ဖံးတၢ်မၤတဖၣ်) |
Admissions Desk အိၣ်ဖဲ 2ကထြၢတကထြၢမ့တမ့ၢ် Switchboard အိၣ်၀ဲဒၣ်လၢ 1တကထြၢန့ၣ်လီၤ. | မုၢ်ဆၣ်–မုၢ်ဖီဖး ဂီၤ 8:00–ဟါ 3:00 နၣ်ရံၣ် |
| Southern Tier AIDSအတၢ်ရဲၣ်တၢ်ကျဲၤ (STAP) 314 W. State St., Ithaca (607) 272-4098 |
တၢ်ဟဲကွံာ်တ့ၢ်တၢ်လၢတပာ်ဖျါမံၤ— Drop Box အိၣ်လၢတၢ်သူၣ်ထီၣ်အလီၢ်ခံ | ထီဘိန့ၣ်အိးထီၣ်အသး 24/7 |
တၢ်မၤသီထီၣ်တၢ်လီၢ်တၢ်ကျဲအလီၢ်အဂ့ၢ်အကျိၤ ယူၤ 2, 2023 | ပာ်ဖျါထီၣ်တၢ်ကမၣ်တဖၣ်မ့တမ့ၢ်တၢ်ကွၢ်သမံသမိးကဒါတဖၣ်ဖဲအံၤ.
တၢ်ခိၣ်စူကနၣ်အ့ၣ်တၢ်သံကွၢ်လၢညီနုၢ်တၢ်သံကွၢ်တဖၣ်
တၢ်လၢ"တၢ်ခိၣ်စူကနၣ်အ့ၣ်"န့ၣ်နပာ်အခီပညီဒ်လဲၣ်.
ပှၤနီၢ်တဂၤစုာ်စုာ်လၢအအိၣ်ဒီးတၢ်အိၣ်ဆူၣ်အိၣ်ချ့အတၢ်အိၣ်သးဒ်သိးဒီးသွံၣ်ဆၢဆံၣ်ဆၢ,တၢ်တဖိးဒီးသွံၣ်မ့တမ့ၢ်စုဆၢခီၣ်ဆၢညိးတၢ်ဆါလၢအရဲၣ်ကျဲၤအတၢ်ကွၢ်ထွဲကဟုကယာ်လၢဟံၣ်ဒီးသူ၀ဲဒၣ်ထးဆဲးတၢ်တဖၣ်အိၣ်အါမးလီၤ.အဒိန့ၣ်ပှၤလၢအအိၣ်ဒီးသွံၣ်ဆၢဆံၣ်ဆၢသူ၀ဲဒၣ်ထးဆဲးတၢ်လၢတၢ်ကဆဲးနုာ်လီၤအသးဒီးအကစၢ်အ့ၣ်စူၣ်လ့ၣ်(န)ဒီးလဲစဲး(တ),မ့တမ့ၢ်စုနၢနီၣ်ဆဲးအပီးအလီတဖၣ်လၢအသူဒီကနၣ်အဖုၣ်လၢတၢ်ကမၤကွၢ်အ၀ဲသ့ၣ်အသွံၣ်အဂလူခိး(စ)မ့တမ့ၢ်အံသၣ်ဆၢကိးနံၤဒဲးန့ၣ်လီၤ. တၢ်အိၣ်သးအဂၤလၢအသူတၢ်ခိၣ်စူကနၣ်အ့ၣ်လၢအ၀ဲသ့ၣ်အတၢ်ကွၢ်ထွဲကဟုကယာ်အတၢ်ပၢဆှၢရဲၣ်ကျဲၤပာ်ဃုာ်အီးစတံၣ်ယိၣ်ဖရိစံး(စ),မၢ(လ)တံၣ်ပၢၣ်စခလိၣ်ရိစံး(စ),သူၣ်ညိးတၢ်ဆါ B ဒီး HIV န့ၣ်လီၤ.
တၢ်ခိၣ်စူကနၣ်အ့ၣ်န့ၣ်တၢ်သ့ၣ်ညါစ့ၢ်ကီးဒ်တၢ်အဘိကဆဲးတၢ်ဒီးထးတဖၣ်လၢတၢ်သူအီၤလၢတၢ်ဆဲးလီၤကသံၣ်မူၤဘှီးခီဖျိပှၤသူကသံၣ်တဖၣ်န့ၣ်လီၤ.
အမဲာ်ညါတၢ်ခိၣ်စူကနၣ်အ့ၣ်ပာ်ဃုာ်တၢ်ဆဲးနုာ်လီၤတၢ်အဘိလၢအမၤဒၣ်အတၢ် (epi-pens လၢကနဲအ့ၣ်ဘၣ်တဖၣ်) ဒီးထးလၢတၢ်ကသြီနုာ်လီၤကသံၣ်မၤသံတၢ်အဃၢ်တဖၣ်မ့တမ့ၢ်တၢ်သ့ကဆှီကလ့ၢ်လၢဟံၣ်တဖၣ်န့ၣ်လီၤ.
FDA တယာ်၀ဲဒၣ်လၢပှၤအမဲရကၤ 9 ကကွဲၢ်သူ၀ဲဒၣ်ထးမ့တမ့ၢ်တၢ်ခိၣ်စူကနၣ်အ့ၣ်လၢအဂၤလၢတၢ်ကရဲၣ်ကျဲၤဆဲးလီၤအကစၢ်အသးဒီးအ၀ဲသ့ၣ်အဆၣ်ဖိကီၢ်ဖိတၢ်ကကူစါတၢ်ဆူးတၢ်ဆါအတၢ်အိၣ်သးလၢဟံၣ်န့ၣ်လီၤ.
ဘၣ်မနုၤအဃိကဲတၢ်ဂ့ၢ်ကီလၢတၢ်ကစူးကွံာ်တၢ်ခိၣ်စူကနၣ်အ့ၣ်လၢတၢ်ကမှံၤဒၢအပူၤလဲၣ်.
တၢ်စူးကွံာ်လၢတၢ်ခိၣ်စူကနၣ်အ့ၣ်လၢတဘၣ်လီၢ်ဘၣ်စးတဖၣ်မၤဘၣ်ဒိပှၤကညီမ့တမ့ၢ်ဆၣ်ဖိကီၢ်ဖိခီဖျိထးဆဲးဘၣ်တၢ်,လီၤဆီဒၣ်တၢ်လၢစုဒီးခီၣ်တဖၣ်မ့တမ့ၢ်နဆၣ်ဖိကီၢ်ဖိအနါစ့ၤဒီးအစုညါသးခီၣ်ညါသးတဖၣ်န့ၣ်လီၤ.
တၢ်စူးကွံာ်တၢ်ခိၣ်စူကနၣ်အ့ၣ်လၢတၢ်ကမှံၤဒၢလၢအခိၣ်အိးထီၣ်အသးလၢအအိၣ်လၢကမျၢၢ်အတၢ်ဟးလီၢ်တဖၣ်ဒီးဟံၣ်ဒွဲအဒၢးတဖၣ်ကဲထီၣ်တၢ်လီၤပျံၤလၢပှၤမၤကဆှဲကဆှီတၢ်အဂီၢ်လီၤ.
တၢ်စူးကွံာ်တၢ်ခိၣ်စူကနၣ်အ့ၣ်ဆူတၢ်ကမှံၤဒၢလၢပီးလီကသူက့ၤလၢခံတဖၣ်လၢအတဘၣ်လီၢ်ဘၣ်စးန့ၣ်မၤကဲထီၣ်တၢ်လီၤပျံၤလၢပှၤမၤတၢ်ဖိလၢအကဘၣ်ထၢဖှိၣ်တၢ်သ့ၣ်တဖၣ်အံၤအဂီၢ်လီၤ.
ပလီကိတဖၣ်သ့ၣ်ဖးသ့,စိၣ်ဒၣ်ပလီဒီးတၢ်နုၢ်ထံအဒၢတဖၣ်ထူၣ်ဖျိသ့ဒီးတၢ်အခိၣ်ကျးလၢအအိၣ်လၢခီဖံၣ်အဒၢအလိၤဟးထီၣ်ညီညီဖိသ့အဃိထးအံၤမၤဘၣ်ဒိနဟံၣ်ဖိဃီဖိ,ဆၣ်ဖိကီၢ်ဖိဒီးတၢ်ကဆှဲကဆှီအပှၤမၤတၢ်ဖိတဖၣ်ညီညီဖိသ့လီၤ.
တၢ်လီၤပျံၤမ့ၢ်မနုၤတဖၣ်လဲၣ်
တဘျီလၢ်လၢ်ဖဲ သွံၣ်ဒီးသွံၣ်အတၢ်ထိးဘၣ် ဒီးသွံၣ်မ့တမ့ၢ်နီၢ်ခိအထံအနိအအိၣ်ဒီးတၢ်ဆါအဃၢ်တဖၣ်န့ၣ်,တၢ်အိၣ်သးအိၣ်၀ဲဒၣ်လၢတၢ်ဆါကဘၣ်ကူဘၣ်ဂာ်တၢ်န့ၣ်လီၤ. တၢ်လီၤပျံၤလၢတၢ်ကမၤန့ၢ်တၢ်ဘၣ်ကူဘၣ်ဂာ်လၢအနးမ့ၢ်လၢသတူၢ်ကလာ်ထးဘၣ်ဆဲးအဃိန့ၣ်စှၤ၀ဲဒၣ်ဒိၣ်မး မ့ၢ်လၢ HIV, သူၣ်ညိးတၢ်ဆါ B ဒီး C အဘဲရၢး(စ)တဖၣ်တအိၣ်မူယံာ်ယံာ်ထၢထၢလၢနီၢ်ခိအချၢဘၣ်. ပှၤတ၀ၢအပူၤထးဆဲးဘၣ်အတၢ်ဘၣ်ဒိဘၣ်ထံးအါတက့ၢ်န့ၣ်ပာ်ဃုာ်ထးလၢတၢ်စူးကွံာ်အီၤအိၣ်ဖးယံာ်လံတဖၣ်န့ၣ်လီၤ.
ဖဲတၢ်လီၤပျံၤလၢတၢ်ဆူးတၢ်ဆါအတၢ်ရၤလီၤအသးမ့ၢ်စှၤ၀ဲဒၣ်အခါဒၣ်လဲာ်န့ၣ်,ဖဲထးမ့ၢ်ဆဲးဘၣ်အခါတၢ်ဘၣ်ယိၣ်ဒီးတၢ်သူၣ်ကိၢ်သးဂီၤကဲထီၣ်ဒီးပှၤတဂၤန့ၣ်မ့တမ့ၢ်မိၢ်ပၢ်အကျါန့ၣ်အါဒီးလၢာ်တၢ်ဆၢကတီၢ်ဒီးတၢ်အပှ့ၤကလံၤလၢတၢ်ကလိၣ်ထံၣ်လိာ်သးဒီးနကသံၣ်သရၣ်ဖဲမ့ၢ်ထးမ့ၢ်ဆဲးဘၣ်အခါန့ၣ်လီၤ.
မ့ၢ်ယစူးကွံာ်တၢ်ခိၣ်စူကနၣ်အ့ၣ်အပူၤဖျဲးကတၢၢ်ကသ့လၢကျဲဒ်လဲၣ်.
- လီၢ်က၀ီၤတၢ်ဃုထၢအဂ့ၤကတၢၢ်လၢတၢ်ကစူးကွံာ်တၢ်ပူၤပူၤဖျဲးဖျဲးမ့ၢ်တၢ်ကသူတၢ်ဆါဟံၣ်တဖၣ်ဒီးတၢ်ကွၢ်ထွဲကဟုကယာ်တၢ်အလီၢ်အကျဲလၢအအိၣ်လၢနလီၢ်က၀ီၤအပူၤလၢအတူၢ်လိာ်ထးလၢတၢ်သူအီၤလၢဟံၣ်ဒ်ပှၤတ၀ၢအတၢ်မၤစၢၤအတၢ်ဖံးတၢ်မၤအသိးန့ၣ်လီၤ.ကိးဘၣ်အ၀ဲသ့ၣ်လၢတၢ်ကမၤန့ၢ်တၢ်ဂ့ၢ်တၢ်ကျိၤလီၤတံၢ်ဘၣ်ဃးမုၢ်နံၤဒီးတၢ်ဆၢကတီၢ်ဒီးမ့ၢ်အ၀ဲသ့ၣ်လိၣ်ဘၣ်တၢ်လီၤပျံၤလၢသးသမူအဂီၢ်တၢ်ခိၣ်စူကနၣ်အ့ၣ်အဒၢမ့တမ့ၢ်တူၢ်လိာ်တၢ်အဂၤတခါခါလၢအလီၢ်န့ၣ်သ့ဧါတက့ၢ်. ဆီၣ်လီၤဖဲအံၤလၢတၢ်နဲၣ်ကျဲတခါအဂီၢ်လၢအဘၣ်ထွဲဒီးလီၢ်က၀ီၤတၢ်ထၢဖှိၣ်တၢ်ခိၣ်စူကနၣ်အ့ၣ်အလီၢ်အကျဲတဖၣ်တက့ၢ်.
- တၢ်ဃုထၢကလီအဂၤတခါမ့ၢ်၀ဲ Southern Tier Aids Program, အိၣ်ဖဲ 314 West State Street, လၢအမၤ၀ဲဒၣ်တၢ်ခီလဲဟ့ၣ်လိာ်သးတၢ်ဆဲးအဘိအတၢ်ရဲၣ်တၢ်ကျဲၤန့ၣ်လီၤ. အ၀ဲသ့ၣ်တူၢ်လိာ်စ့ၢ်ကီး ထးလၢပှၤတ၀ၢသူဒီးကစူးကွံာ်၀ဲတဖၣ်န့ၣ်လီၤ.
- တၢ်ဃုထၢလၢတၢ်ဟ့ၣ်အလဲပာ်ဃုာ်တၢ်ဆှၢကဒါက့ၤတၢ်ခိၣ်စူကနၣ်အ့ၣ်အတၢ်ရဲၣ်တၢ်ကျဲၤ,အဒိဒ်သိး BD Company လၢအသူတၢ်ဟ့ၣ်စိပာ်တၢ်အလဲလၢပှၤဆှၢက့ၤတၢ်လီၤဆီအဂီၢ်လၢတၢ်အပှ့ၤလၢအဘၣ်၀ဲဒၣ်န့ၣ်လီၤ.
- ဒီးအကတၢၢ်တခါန့ၣ်,တၢ်တဟ့ၣ်ကူၣ်လၢတၢ်ကမၤအီၤဘၣ်သနာ်က့တၢ်စူးကွံာ်တၢ်ခိၣ်စူကနၣ်အ့ၣ်လၢအဖိးသဲစးသ့မ့ၢ်၀ဲတၢ်ထၢနုာ်လီၤအီၤဆူဟံၣ်ဃီတၢ်ကမှံၤအဒၢပူၤဃုာ်ဒီးတၢ်နဲၣ်လီၤလၢလာ်န့ၣ်လီၤ.သူဘၣ်ကသံၣ်ထံဆှုၣ်တၢ်အဒၢလၢအကိၤ,ထံယွၤလီၤတန့ၢ်ဒီးအပူၤတအိၣ်တဖၣ်မ့တမ့ၢ်ပလီလၢတၢ်တ့အီၤဒီးပလ့းစတံးအတီၣ်အကိၤ,မၤနီၣ်အီၤလၢအစံး"အိၣ်ဒီးတၢ်အခိၣ်စူကနၣ်အ့ၣ်"တဘၣ်သူကဒါက့ၤတဂ့ၤ" ကးဘၢအခိၣ်ဒီးကျးတံၢ်အခိၣ်ဒ်တၢ်ပလီၢ်ပဒီအဒိၣ်အမုၢ်အဂီၢ်တက့ၢ်. သနာ်က့,အကါဒိၣ်၀ဲဒၣ်လၢတၢ်ကမၤနီၣ်လၢသိလ့ၣ်တီၣ်တၢ်ကမှံၤလၢတဘၣ်ဃးဒီးပဒိၣ်န့ၣ်ဘၣ်တဘၣ်ကအိၣ်ဒီးတၢ်ဖီၣ်ဃံးန့ၣ်လီၤ.
လ့ၤတက့ၤမၤတသ့
- တဘၣ်စူးကွံာ်တၢ်အဒၢလၢအအိၣ်ဒီးတၢ်မၤနီၣ်လၢအစံးတၢ်လီၤပျံၤလၢသးသမူအဂီၢ်အိၣ်လၢတၢ်ကမှံၤအဒၢပူၤတဂ့ၤ.
- တဘၣ်သူပလီကိ,စိၣ်ဒၣ်ပလီတဖၣ်,တၢ်နုၢ်ထံပလီတဖၣ်မ့တမ့ၢ်ခီဖံၣ်အဒၢတဖၣ်လၢတၢ်ကပာ်ကီၤဒီးစူးကွံာ်တၢ်အခိၣ်စူကနၣ်အ့ၣ်တဖၣ်န့ၣ်နီတဘျီတဂ့ၤ.
- တဘၣ်စူးကွံာ်တၢ်ခိၣ်စူကနၣ်အ့ၣ်လၢတၢ်ဟးလီၢ်အပူၤတဂ့ၤ.
- တဘၣ်ကျဲးစၢးဟံးန့ၢ်ထးလၢတၢ်ထုးကွံာ်အီၤလၢတၢ်ဆဲးတၢ်အဘိတခါအလိၤလၢပှၤတဂၤလၢတမ့ၢ်၀ဲဒၣ်နကစၢ်အသးန့ၣ်တဂ့ၤ. ဒီးဖဲတၢ်န့ၣ်ကမ့ၢ်၀ဲဒၣ်နကစၢ်အထးန့ၣ်ထဲဒၣ်ထုးကွံာ်အီၤဖဲနမ့ၢ်အိၣ်ဒီးပီးလီလီၤလီၤဆီဆီလၢတၢ်တ့ပာ်အီၤလၢတၢ်ကမၤတၢ်အံၤအဂီၢ်အခါဧိၤတက့ၢ်.
- တဘၣ်မၤပှဲၤတလၢကွံာ်တၢ်ခိၣ်စူကနၣ်အ့ၣ်အဒၢတဖၣ်တဂ့ၤ.
- ထီဘိန့ၣ်ပာ်တၢ်ခိၣ်စူကနၣ်အ့ၣ်အဒၢတဖၣ်ယံၤဒီးတၢ်လီၢ်လၢဖိသၣ်ဖီၣ်တုၤအလီၢ်ဒီးဆၣ်ဖိကီၢ်ဖိန့ၣ်တက့ၢ်.
- ဖဲနမ့ၢ်ကသူတၢ်ခိၣ်စူကနၣ်အ့ၣ်,အိၣ်ကတီၤနသးဖဲနမ့ၢ်လဲၤတၢ်ယံၤဒီးဟံၣ်ဒီးစိာ်တၢ်အဒၢလၢတၢ်စူးကွံာ်တၢ်ခိၣ်စူကနၣ်အ့ၣ်လၢတၢ်စိာ်ထီၣ်စိာ်လီၤအီၤသ့န့ၣ်တက့ၢ်.ကမျၢၢ်အလီၢ်အကျဲအဒိဒ်သိးကဘီယူၤပျီတဖၣ်န့ၣ်စးထီၣ်ပာ်လီၤတၢ်ခိၣ်စူကနၣ်အ့ၣ်အဒၢတဖၣ်လၢတၢ်သိးတံၢ်အခံဒီးနီၣ်၀ံာ်န့ၣ်လီၤ. ဒီးလၢခံတၢ်မုၢ်လၢ်လၢကမျၢၢ်အတၢ်ဟးလီၢ်တဖၣ်တၢ်ကထၢနုာ်လီၤတၢ်ဒၢလၢအအိၣ်ဒီးနီၣ်၀ံာ်ခံတဖၣ်လၢအပှၤသူတၢ်ဒီးလၢအပှၤမၤတၢ်ဖိတဖၣ်အတၢ်ပူၤဖျဲးအဂီၢ်န့ၣ်လီၤ.
ဖဲထးလၢတၢ်သူအီၤတဘိမ့တမ့ၢ်တၢ်အခိၣ်စူကနၣ်အ့ၣ်လၢအဂၤမ့ၢ်ဆဲးဘၣ်နၤသတူၢ်ကလာ်အခါဘၣ်မၤတၢ်မနုၤလဲၣ်
ဖဲနမ့ၢ်ဘၣ်ဒိဒီးတၢ်ခိၣ်စူကနၣ်အ့ၣ်တခါလၢတၢ်တသ့ၣ်ညါအလီၢ်အကျဲန့ၣ်သ့ကဆှီတၢ်လီၢ်အံၤတသ့ဖဲအသ့လၢအဆိအချ့ဃုာ်ဒီးဆးပၠၣ်ဒီးထံမ့တမ့ၢ်ကသံၣ်ဒံးဒူးထွါစီစုဒီးကိးဘၣ်နကသံၣ်သရၣ်တဘျီဃီလၢတၢ်ကဆၢတဲာ်တၢ်ခီဆၢအဂ့ၤကတၢၢ်အဂီၢ်တက့ၢ်.
မ့ၢ်ယကဘၣ်စူးကွံာ်ထးမ့တမ့ၢ်တၢ်ဆဲးအဘိလၢယထံၣ်န့ၢ်အီၤလၢပှၤတ၀ၢအပူၤတဖၣ်ဒ်လဲၣ်.
ဖဲနမ့ၢ်ထံၣ်၀ဲဒၣ်တၢ်ခိၣ်စူကနၣ်အ့ၣ်တခါ,ဟံးန့ၢ်တၢ်ဆှုၣ်အထံအဒၢကလီတဖျၢၣ်လၢအကဖီၣ်ဃာ်တၢ်ခိၣ်စူကနၣ်တခါအံၤကသ့ပူၤပူၤဖျဲးဖျဲး(ကွၢ်ဘၣ်တၢ်ဂ့ၢ်လီၤတံၢ်လၢထး)တက့ၢ်.သူဘၣ်တၢ်တြီတခါလၢတၢ်ကဒီသဒၢနသးအဒိဒ်ဖလးစတံးစုဖျီၣ်မ့တမ့ၢ်နီၣ်တံာ်ဒီးပာ်လီၤထးခိၣ်စူခိၣ်ခံလီၤလာ်ဆူတၢ်ဒၢအပူၤတက့ၢ်.တဘၣ်ကျဲးစၢးထၢထီၣ်ထးတဂ့ၤ.၀ံာ်တံၢ်အခိၣ်,မၤနီၣ်တၢ်အဒၢ,ကျးတံၢ်အခိၣ်ဒီးမ့ၢ်၀ံၤစိာ်အီၤပူၤပူၤဖျဲးဖျဲးသ့လီၤ.တၢ်အဒၢအံၤတၢ်ပာ်လီၤအီၤလၢဟံၣ်ဃီအတၢ်ကမှံၤအဒၢမ့တမ့ၢ်တၢ်စိာ်အီၤဆူ Southern Tier Aids Program လၢအအိၣ်ဖဲ 501 South Meadow Street န့ၣ်သ့လီၤ.ဒုးသ့ၣ်ညါလီၢ်က၀ီၤတၢ်ဒုးလူၤပိာ်မၤထွဲတၢ်သိၣ်တၢ်သီလၢနထံၣ်၀ဲဒၣ်တၢ်ခိၣ်စူကနၣ်အ့ၣ်(တဖၣ်)မ့ၢ်ဒ်သိးအ၀ဲသ့ၣ်ကသ့ၣ်ညါ၀ဲဒၣ်တၢ်ဂ့ၢ်ကီအဂီၢ်တက့ၢ်. တၢ်မၤကွၢ်လၢတၢ်မၤကွၢ်အဒၢးန့ၣ်တၢ်တမၤအီၤလၢတၢ်ခိၣ်စူကနၣ်အ့ၣ်လၢတၢ်ထံၣ်အီၤလၢပှၤတ၀ၢအပူၤဘၣ်.
မ့ၢ်ယလဲၤကွၢ်ဃုအါထီၣ်တၢ်ဂ့ၢ်တၢ်ကျိၤကသ့လၢဖဲလဲၣ်
လဲၤအိၣ်သကိးဘၣ်နူယီးကီၢ်စဲၣ်တၢ်ထၢဖှိၣ်တၢ်ခိၣ်စူကနၣ်အ့ၣ်လၢအပူၤဖျဲးအတၢ်ရဲၣ်တၢ်ကျဲၤ (New York State Safe Sharps Collection Program) ပှာ်ယဲၤသန့ဖဲအံၤ.
တၢ်သံကွၢ်လၢညီနုၢ်တၢ်သံကွၢ်အီၤ 2022
