ကမျၢၢ်ထံဖိကီၢ်ဖိခွဲးယာ်အသဲစး 1964 အဆၢဖိ VI စံး၀ဲဒၣ်လၢ-“ပှၤအိၣ်ဆိးလၢ United States အပူၤနီတဂၤ,မ့ၢ်လၢအဒူၣ်ကလုာ်,အဖံးညၣ်အလွဲၢ်မ့တမ့ၢ်အထံကီၢ်အခီၣ်ထံးခီၣ်ဘိအဃိ, တၢ်တဘၣ်ထုးကွံာ်အီၤလၢအကပာ်ဃုာ် ဘၣ်တၢ်သမၢအီၤဒီး တၢ်န့ၢ်ဘျုးန့ၢ်ဖှိၣ်တဖၣ်ဒီး, မ့တမ့ၢ်တၢ်တဘၣ်ကွၢ်တလီၤထီဒါအီၤလၢတၢ်ရဲၣ်တၢ်ကျဲၤမ့တမ့ၢ်တၢ်ဟူးတၢ်ဂဲၤနီတဖု လၢအကဒိးန့ၢ်ဘၣ်ကီၢ်စဲၣ်စၢဖှိၣ်အကျိၣ်စ့တၢ်မၤစၢၤအဂီၢ်န့ၣ်ဘၣ်.”
တၢ်လၢအပိာ်ထွဲထီၣ်တဖၣ်မ့ၢ်တၢ်ပာ်ဖျါလၢအဘၣ်ထွဲဒီးအဆၢဖိ VI ဒ်န့ၣ်အသိးကီၢ်စဲၣ်စၢဖှိၣ်,ကီၢ်စဲၣ်ဒီးလီၢ်က၀ီၤထံဖိကီၢ်ဖိအခွဲးအယာ်အတၢ်သိၣ်တၢ်သီတဖၣ်လၢ အတြီ၀ဲဒၣ်တၢ်ကွၢ်တလီၤထီဒါန့ၣ်လီၤ-
ပှၤအမဲရကၤဖိလၢအအိၣ်ဒီးသးနီၢ်ခိက့ၢ်ဂီၤတလၢတပှဲၤတဆူၣ်တချ့ အသဲစး 1990 အဆၢဖိ I တြီ၀ဲဒၣ်တၢ်ဖံးတၢ်မၤအပူၤတၢ်ကွၢ်တလီၤထီဒါနီၢ်တဂၤစုာ်စုာ်လၢအကံၢ်စီထီၣ်ဘးအိၣ်ဒီးသးနီၢ်ခိတလၢတပှဲၤတဆူၣ်တချ့ခီဖျိတၢ်မၤကစၢ်လၢအအိၣ်ဒီးပှၤမၤတၢ်ဖိ 15 ဂၤမ့တမ့ၢ်အါန့ၢ်အန့ၣ်တဖၣ်လီၤ. U.S. တၢ်တီတၢ်တြၢ်ဒီးတၢ်ဖံးတၢ်မၤခွဲးယာ်တုၤသိးအခီၣ်မံးရှၢၣ်အ၀ဲၤကျိၤန့ၣ်မ့ၢ်ကရၢတဖၣ်လၢတၢ်ဟ့ၣ်လီၤဃာ်မူဒါလၢအကထုးထီၣ်ပာ်လီၤမၤထွဲADAသဲစးအဆၢဖိ I န့ၣ်လီၤ.
ပှၤအမဲရကၤဖိလၢအအိၣ်ဒီးနီၢ်ခိနီၢ်သးက့ၢ်ဂီၤတလၢတပှဲၤတဆူၣ်တချ့ အသဲစး1990 အဆၢဖိ II တြီ၀ဲဒၣ်တၢ်ကွၢ်တလီၤထီဒါခီဖျိကမျၢၢ်အကရူၢ်ကရၢတဖၣ်, ပာ်ဃုာ်ကမျၢၢ်အခီလ့ၣ်တဖၣ်ဒီးဖၠၣ်စိမိၤတဖၣ်ဖဲအမ့ၢ်ဒိးန့ၢ်ဘၣ်ကီၢ်စဲၣ်စၢဖှိၣ်ကျိၣ်စ့တၢ်မၤစၢၤမ့ၢ်ဂ့ၤတဒိးန့ၢ်ဘၣ်၀ဲဒၣ်မ့ၢ်ဂ့ၤအခါန့ၣ်လီၤ. U.S. တၢ်တီတၢ်တြၢ်အ၀ဲၤကျိၤန့ၣ်မ့ၢ်၀ဲဒၣ်ကရၢဒုးလူၤပိာ်မၤထွဲတၢ်သိၣ်တၢ်သီဒီးအိၣ်ဒီးမူဒါလၢကဘၣ်ဒုးလူၤပိာ်မၤထွဲ ADA သဲစးအဆၢဖိ II နၣ်လီၤ.
ကမျၢၢ်ထံဖိကီၢ်ဖိခွဲးယာ်အသဲစး 1964 အဆၢဖိ VI တြီ၀ဲဒၣ်တၢ်ကွၢ်တလီၤလၢအဒိးသန့ၤထီၣ်လၢဒူၣ်ကလုာ်,ဖံးညၣ်အလွဲၢ်,မ့တမ့ၢ်ထံကီၢ်အခီၣ်ထံးခီၣ်ဘိလၢတၢ်ရဲၣ်တၢ်ကျဲၤမ့တမ့ၢ်တၢ်ဟူးတၢ်ဂဲၤတခါလၢ်လၢ်လၢအဒိးန့ၢ်ဘၣ်ကီၢ်စဲၣ်စၢဖှိၣ်အကျိၣ်စ့တၢ်မၤစၢၤဒီးကမျၢၢ်ထံဖိကီၢ်ဖိခွဲးယာ်အသဲစး1964 အဆၢဖိ VII တြီ၀ဲဒၣ်တၢ်ကွၢ်တလီၤထီဒါန့ၣ်လီၤ. တၢ်ရဲၣ်တၢ်ကျဲၤဒီးတၢ်ဟူးတၢ်ဂဲၤတဖၣ်လၢအဒိးန့ၢ်ဘၣ်ကီၢ်စဲၣ်စၢဖှိၣ်အကျိၣ်စ့တၢ်မၤစၢၤန့ၣ်ဘၣ်တၢ်ကျၢၢ်ဘၢအီၤခီဖျိ သဲစးအဆၢဖိ VI န့ၣ်လီၤ. U.S. တၢ်တီတၢ်တြၢ်အ၀ဲၤကျိၤန့ၣ်မ့ၢ်ကရၢဒုးလူၤပိာ်မၤထွဲတၢ်သိၣ်တၢ်သီဒီးအိၣ်ဒီးမူဒါလၢကဘၣ်ပာ်လီၤဒုးလူၤပိာ်မၤထွဲသဲစးအခိၣ်တီ VI န့ၣ်လီၤ.
ထံဖိကီၢ်ဖိခွဲးယာ်အသဲစး 1964 အဆၢဖိ VII ဒီသဒၢနီၢ်တဂၤစုာ်စုာ်လၢအထီဒါတၢ်ဖံးတၢ်မၤအကျိၤအကျဲလၢတဖိးသဲစးလၢအဒိးသန့ၤထီၣ်လၢအ၀ဲသ့ၣ်အဒူၣ်ကလုာ်,အဖံးညၣ်အလွဲၢ်,သွံၣ်ထံး,ဒီးထံကီၢ်အခီၣ်ထံးခီၣ်ဘိန့ၣ်လီၤ.ထံဖိကီၢ်ဖိအခွဲးယာ်အသဲစး1991 ထုးထီထီၣ်ပှၤလိာ်ကွီၢ်အခွဲးအယာ်ဒိၣ်ဒိၣ်မုၢ်မုၢ်လၢအအိၣ်လၢအဆၢဖိ VII အဖီလာ်န့ၣ်လီၤ. U.S. တၢ်ဖံးတၢ်မၤခွဲးယာ်တုၤသိးထဲသိးအခီၣ်မံးရှၢၣ်မ့ၢ်ကရၢဒုးလူၤပိာ်မၤထွဲတၢ်သိၣ်တၢ်သီအိၣ်ဒီးမူဒါလၢကဘၣ်ထုးထီၣ်ဒုးလူၤပိာ်မၤထွဲ၀ဲဒၣ်သဲစးအဆၢဖိ VII န့ၣ်လီၤ.
တၢ်ကူၣ်ဘၣ်ကူၣ်သ့အတၢ်မၤဘၣ်လိာ်ဖိးဒ့အသဲစး 1972 အဆၢဖိ IX တြီ၀ဲဒၣ်တၢ်ကွၢ်တလီၤလၢအဒိးသန့ၤထီၣ်လၢသွံၣ်ထံးလၢတၢ်ကူၣ်ဘၣ်ကူၣ်သ့တၢ်ရဲၣ်တၢ်ကျဲၤမ့တမ့ၢ်တၢ်ဟူးတၢ်ဂဲၤတဖၣ်ဒီးသုးထီထီၣ်အီၤဆူတၢ်ဖံးတၢ်မၤဒီးတၢ်တူၢ်လိာ်ဆူတၢ်ကရၢကရိတဖၣ်လၢအဒိးန့ၢ်ဘၣ်ကီၢ်စဲၣ်စၢဖှိၣ်ကျိၣ်စ့တၢ်မၤစၢၤန့ၣ်လီၤ. U.S. တၢ်ကူၣ်ဘၣ်ကူၣ်သ့အ၀ဲၤကျိၤန့ၣ်မ့ၢ်ကရၢဒုးလူၤပိာ်မၤထွဲတၢ်သိၣ်တၢ်သီ အိၣ်ဒီးမူဒါလၢကဘၣ်ထုးထီၣ်ဒုးလူၤပိာ်မၤထွဲ၀ဲဒၣ်အဆၢဖိ IX န့ၣ်လီၤ.
တၢ်ကွၢ်တလီၤဘၣ်ထွဲဒီးသးနံၣ်အသဲစး 1975 ဒီသဒၢပှၤကမျၢၢ်လၢတၢ်ကွၢ်တလီၤလၢအဒိးသန့ၤထီၣ်လၢသးနံၣ်အဖီခိၣ်လၢတၢ်ရဲၣ်တၢ်ကျဲၤမ့တမ့ၢ်တၢ်ဟူးတၢ်ဂဲၤတဖၣ်လၢ အဒိးန့ၢ်ဘၣ်ကီၢ်စဲၣ်စၢဖှိၣ်အကျိၣ်စ့တၢ်မၤစၢၤန့ၣ်လီၤ. U.S. တၢ်ဖံးတၢ်မၤခွဲးယာ်တုၤသိးထဲသိးအခီၣ်မံးရှၢၣ်မ့ၢ်ကရၢဒုးလူၤပိာ်မၤထွဲတၢ်သိၣ်တၢ်သီ အိၣ်ဒီးမူဒါလၢကဘၣ်ထုးထီၣ်ဒုးလူၤပိာ်မၤထွဲ၀ဲဒၣ် ADA 1975 န့ၣ်လီၤ.
တၢ်ကွၢ်တလီၤဘၣ်ထွဲဒီးသးနံၣ်လၢတၢ်ဖံးတၢ်မၤအပူၤ 1967 အသဲစးဒီသဒၢ၀ဲဒၣ်ပှၤတဂၤလၢ်လၢ်လၢအသးအိၣ် 40 မ့တမ့ၢ်ဆူအဖီခိၣ်တဖၣ်န့ၣ်လီၤ.U.S. တၢ်ဖံးတၢ်မၤခွဲးယာ်တုၤသိးထဲသိးအခီၣ်မံးရှၢၣ်မ့ၢ်ကရၢဒုးလူၤပိာ်မၤထွဲတၢ်သိၣ်တၢ်သီ အိၣ်ဒီးမူဒါလၢကဘၣ်ထုးထီၣ်ဒုးလူၤပိာ်မၤထွဲ၀ဲဒၣ် ADEAန့ၣ်လီၤ.
ကမျၢၢ်ထံဖိကီၢ်ဖိခွဲးယာ်အသဲစး1991 ဟ့ၣ်တၢ်ဘၣ်ဒိဘၣ်ထံးလၢအဘၣ်ထွဲဒီး ကျိၣ်စ့လၢတၢ်ဂ့ၢ်လၢအမ့ၢ်တၢ်ဖံးတၢ်မၤအတၢ်ကွၢ်တလီၤလၢတၢ်ပညိၣ်လီၤအီၤလိၤလိၤအဂီၢ်လီၤ. U.S. တၢ်ဖံးတၢ်မၤခွဲးယာ်တုၤသိးထဲသိးအခီၣ်မံးရှၢၣ်မ့ၢ်ကရၢဒုးလူၤပိာ်မၤထွဲတၢ်သိၣ်တၢ်သီ အိၣ်ဒီးမူဒါလၢကဘၣ်ထုးထီၣ်ဒုးလူၤပိာ်မၤထွဲ၀ဲဒၣ်CRA 1991န့ၣ်လီၤ.
တၢ်ဟ့ၣ်ဘူးလဲတုၤသိးထဲသိးအသဲစး1963 ဒီသဒၢပိာ်ခွါဒီးပိာ်မုၣ်လၢအမၤတၢ်ဖံးတၢ်မၤလၢ အဒ်သိးလိာ်အသးလၢ တၢ်သူၣ်ထီၣ်ဆီလီၤတမံၤဃီလၢအဒိးသန့ၤထီၣ်လၢသွံၣ်ထံး‐အဖီခိၣ်လါလဲအတၢ်ကွၢ်တလီၤန့ၣ်လီၤ. U.S. တၢ်ဖံးတၢ်မၤခွဲးယာ်တုၤသိးထဲသိး အခီၣ်မံးရှၢၣ်မ့ၢ်ကရၢဒုးလူၤပိာ်မၤထွဲတၢ်သိၣ်တၢ်သီအိၣ်ဒီးမူဒါလၢကဘၣ်ထုးထီၣ်ဒုးလူၤပိာ်မၤထွဲ၀ဲဒၣ် EPA န့ၣ်လီၤ.
တၢ်ကူစါ 504 မၤဂ့ၤထီၣ်အသဲစး1973 တၢ်နီၤဖးဒီသဒၢပှၤကမျၢၢ်လၢတၢ်ကွၢ်တလီၤလၢတၢ်တူၢ်လိာ်တၢ်,တၢ်ဖံးတၢ်မၤ,တၢ်ကူစါမ့တမ့ၢ်တၢ်မၤန့ၢ်သူတၢ်လၢအဒိးသန့ၤထီၣ်လၢသးနီၢ်ခိတလၢတပှဲၤတဆူၣ်တချ့လၢတၢ်ရဲၣ်တၢ်ကျဲၤမ့တမ့ၢ်တၢ်ဟူးတၢ်ဂဲၤတဖၣ်လၢအဒိးန့ၢ်ဘၣ်ကီၢ်စဲၣ်စၢဖှိၣ်အကျိၣ်စ့ တၢ်မၤစၢၤတဖၣ်န့ၣ်လီၤ. U.S. ဟံၣ်ဃီတၢ်အိၣ်တၢ်ဆိးဒီးခူ၀့ၢ်တၢ်ဒိၣ်ထီၣ်ထီထီၣ်အ၀ဲၤကျိၤမ့ၢ်ကရၢလၢအဒုးလူၤပိာ်မၤထွဲတၢ်သိၣ်တၢ်သီ အိၣ်ဒီးမူဒါလၢကဘၣ်ထုးထီၣ်ဒုးလူၤပိာ်မၤထွဲ၀ဲဒၣ်အဆၢဖိ VI န့ၣ်လီၤ.
ပှၤစံၣ်ညီၣ်ပၢတၢ်အကလုၢ် 11246 လိၣ်ဘၣ်၀ဲဒၣ်ပှၤမၤတၢ်အၢၣ်လီၤလံာ်ဃံးဃာ်ဒီးပဒိၣ်တဖၣ်လၢအကမၤ၀ဲဒၣ်တၢ်မၤလီၤတံၢ်အတၢ်ဖံးတၢ်မၤဒီးတ ဘၣ် ကွၢ်တလီၤထီဒါတၢ်လၢအဒိးသန့ၤထီၣ်လၢဒူၣ်ကလုာ်, သွံၣ်ထံးမ့တမ့ၢ်ထံကီၢ်အခီၣ်ထံးခီၣ်ဘိန့ၣ်ဘၣ်. ကီၢ်စဲၣ်စၢဖှိၣ်တၢ်လူၤပိာ်ထွဲတၢ်အၢၣ်လီၤလံာ်ဃံးဃာ်အတၢ်ရဲၣ်တၢ်ကျဲၤတဖၣ်အ၀ဲၤဒၢး (U.S. ပှၤမၤတၢ်ဖိအ၀ဲၤကျိၤ) မ့ၢ်ကရၢလၢအအိၣ်ဒီးမူဒါလၢ ကထုးထီၣ်ပာ်လီၤဒုးလူၤပိာ်ထွဲ EO 11246 ဒီးမၤလီၤတံၢ်၀ဲဒၣ်ကီၢ်စဲၣ် ပှၤမၤတၢ်အၢၣ်လီၤလံာ်ဃံးဃာ်တဖၣ်လူၤပိာ်မၤထွဲတၢ်ကလုၢ်န့ၣ်လီၤ.
U.S. ၀ဲၤကျိၤဘၣ်ထွဲဒီး HUD အ LGBT အတၢ်ဘျၢလၢခံကတၢၢ် ဟ့ၣ်၀ဲဒၣ်တၢ်မၤန့ၢ်သူဟံၣ်ဃီအခွဲးယာ်တုၤသိးထဲသိးလၢ HUD‐ဟ့ၣ်စ့ဆီၣ်ထွဲ၀ဲဒၣ်အတၢ်ရဲၣ်တၢ်ကျဲၤတဖၣ် လၢတအိၣ်ဒီးတၢ်ကွၢ်၀ဲဒၣ်သွံၣ်ထံးအတၢ်တူၢ်ဘၣ်ပလၢၤဘၣ်မ့တမ့ၢ်မုၣ်ခွါအက့ၢ်ပနီၣ်န့ၣ်ဘၣ်. U.S. ဟံၣ်ဃီဒီး ခူ၀့ၢ် တၢ်ဒိၣ်ထီၣ်ထီထီၣ်အ၀ဲၤကျိၤမ့ၢ်ကရၢလၢအဒုးလူၤပိာ်မၤထွဲတၢ်သိၣ်တၢ်သီအိၣ်ဒီးအိၣ်ဒီးမူဒါလၢကဘၣ်ထုးထီၣ်ပာ်လီၤဒုးလူၤပိာ်ထွဲ LGBT တၢ်ဘျၢန့ၣ်လီၤ.
နူယီးကီၢ်စဲၣ်ပှၤဂ့ၢ်၀ီခွဲးယာ်တၢ်သိၣ်တၢ်သီ, ပှၤပၢဆှၢစံၣ်ညီၣ်တၢ်သဲစးအဆၢဖိ 15 ဒီသဒၢပှၤလၢတၢ်ကွၢ်တလီၤလၢတၢ်ဖံးတၢ်မၤ,ဟံၣ်ဃီ,ခရဲဒံး,ကမျၢၢ်လီၢ်အိၣ်ကဒု,တနီၤဖး‐တၢ်တၢ်ကူၣ်ဘၣ်ကူၣ်သ့အကရၢတဖၣ်,ဒီးမုာ်သးမၤကလီ မ့ၣ်အူအ၀ဲၤကျိၤတဖၣ်အပူၤလၢအဒိးသန့ၤထီၣ်လၢသးနံၣ်,တၢ်ဘူၣ်တၢ်ဘါ,သးနံၣ်,ဖံးညၣ်အလွဲၢ်,သွံၣ်ထံး,သွံၣ်ထံးတၢ်တူၢ်ဘၣ်,ထံကီၢ်အခီၣ်ထံးခီၣ်ဘိ,တၢ်ထီၣ်ပှၢ် အတၢ်အိၣ်သး,သးနီၢ်ခိတလၢပှဲၤတဆူၣ်ချ့,သုးဂ့ၢ်၀ီတၢ်အိၣ်သး,တၢ်ဖီၣ်ဒုးဃာ်တၢ်မၤနီၣ်,တၢ်စံၣ်ညီၣ်လၢအတၢ်ကမၣ်အိၣ်အဃိတၢ်မၤနီၣ်မၤဃါ,ဟံၣ်ဖိဃီဖိတၢ်အိၣ်သး,ဒီးတၢ်လီၤစၢၤလီၤသွံၣ်စၢၤသွဲၣ်တၢ် ဟဲန့ၢ်သါဘၣ်တဖၣ်လီၤ. နူယီးကီၢ်စဲၣ်ပှၤဂ့ၢ်၀ီခွဲးယာ်အ၀ဲၤဒ့အံၤအိၣ်ဒီးမူဒါလၢကထုးထီၣ်ပာ်လီၤဒုးလူၤပိာ်မၤထွဲ၀ဲဒၣ် NYS ပှၤဂ့ၢ်၀ီ ခွဲးယာ်အသဲစးန့ၣ်လီၤ.
Tompkins County,အဆၢဒိၣ် 92, တၢ်ထီဒါ‐တၢ်ကွၢ်တလီၤလီၢ်က၀ီၤတၢ်သိၣ်တၢ်သီအနီၢ်ဂံၢ်. 6‐1991, ဒ်ဘၣ်တၢ်ဘှီဂ့ၤထီၣ်အီၤခီဖျိလီၢ်က၀ီၤသဲစးနီၢ်ဂံၢ် 1‐2004 ဒီသဒၢပှၤလၢတၢ်ကွၢ်တလီၤလၢ တၢ်ဖံးတၢ်မၤ,ဟံၣ်ဃီ,ခရဲဒံး,ကမျၢၢ်လီၢ်အိၣ်ကဒု,တၢ်ကူၣ်ဘၣ်ကူၣ်သ့,ဒီးမုာ်သးမၤကလီမ့ၣ်အူအ၀ဲၤကျိၤတဖၣ်လၢအဒိးသန့ၤထီၣ်လၢသွံၣ်ထံးတၢ်တူၢ်ဘၣ်ဒီးမုၣ်ခွါအက့ၢ်ပနီၣ်န့ၣ်လီၤ. Tompkins County ပှၤဂ့ၢ်၀ီခွဲးယာ်အ၀ဲၤဒၢးအိၣ်ဒီးမူဒါလၢကထုးထီၣ်ပာ်လီၤဒုးလူၤပိာ်မၤထွဲ၀ဲဒၣ်အဆၢဒိၣ် 92လီၤ.
၀့ၢ်ဒိၣ် Ithaca တၢ်ဘျၢအဆၢဒိၣ် 215 လၢအမ့ၢ် 1980 ဒီသဒၢပှၤလၢတၢ်ကွၢ်တလီၤတၢ်လၢလီၢ်က၀ီၤလၢဟံၣ်ဃီ,ခရဲဒံး,တၢ်ကူၣ်ဘၣ်ကူၣ်သ့,တၢ်ဖံးတၢ်မၤဒီးကမျၢၢ်လီၢ်အိၣ်ကဒုလၢအဒိးသန့ၤထီၣ်အသးနီၢ်နီၢ်လၢတၢ်အိၣ်သးမ့တမ့ၢ်တၢ်ဆိကမိၣ်ထီၣ်ဘၣ်ထွဲဒီးသးနံၣ်, တၢ်ဘူၣ်တၢ်ဘါ,အလွဲၢ်,သးနီၢ်ခိတလၢတပှဲၤတဆူၣ်တချ့,ဒူၣ်ကလုာ်,ဟံၣ်ဖိဃီဖိတၢ်အိၣ်သး,မုၣ်ခွါ,အနီၢ်အထီ, တၢ်နုာ်လီၤဆူထံကီၢ် မ့တမ့ၢ်ထံဖိကီၢ်ဖိတၢ်အိၣ်သး,တၢ်ထီၣ်ပှၢ် အတၢ်အိၣ်သး,ထံကီၢ်အခီၣ်ထံးခီၣ်ဘိ,ကလုာ်ဒူၣ်,တၢ်ဘူၣ်တၢ်ဘါ,သွံၣ်ထံး,သွံၣ်ထံးတၢ်တူၢ်ဘၣ်,ပှၤဂ့ၢ်၀ီမုၢ်၀ဲၤတၢ်အိၣ်သးမ့တမ့ၢ်နီၢ်အတယၢၢ်န့ၣ်လီၤ. Tompkins County ပှၤဂ့ၢ်၀ီခွဲးယာ်အ၀ဲၤဒၢးအိၣ်ဒီးမူဒါလၢကထုးထီၣ်ပာ်လီၤဒုးလူၤပိာ်မၤထွဲ၀ဲဒၣ်အဆၢဒိၣ် 215လီၤ.
Groton အသ၀ီဟံၣ်ဃီတၢ်အိၣ်ဆိးအတီအတြၢ်သဲစး,အဆၢဒိၣ် 93 လၢအမ့ၢ် 1988 ဒီသဒၢ၀ဲဒၣ်ပှၤလၢဟံၣ်ဃီတၢ်အိၣ်တၢ်ဆိးအတၢ်ကွၢ်တလီၤလၢအဒိးသန့ၤထီၣ်လၢဒူၣ်ကလုာ်,အလွဲၢ်,တၢ်ဘူၣ်တၢ်ဘါ,သွံၣ်ထံး,ထံကီၢ်အခီၣ်ထံးခီၣ်ဘိ,ဟံၣ်ဖိဃီဖိတၢ်အိၣ်သးဒီးနီၢ်ခိအတၢ်တလၢတပှဲၤန့ၣ်လီၤ.
ဖဲနမ့ၢ်နာ်လၢနမ့ၢ်ပှၤလၢအဘၣ်တၢ်ကွၢ်တလီၤနၤဒ် သဲစးအဆၢဖိ VI စံးအသိးမ့တမ့ၢ်ဘၣ်ထွဲဒီးတၢ်ကွၢ်တလီၤ-တသ့အတၢ်သိၣ်တၢ်သီတဖၣ်အခါန့ၣ်, နတီၣ်ထီၣ်တၢ်ကဒူးကဒ့ၣ်တခါဒီး County သ့လီၤ.
နတီၣ်ထီၣ်တၢ်ကဒူးကဒ့ၣ်တခါလၢတနံၣ်အတီၢ်ပူၤစးထီၣ်လၢတၢ်ကွၢ်တလီၤအတၢ်မၤအသးအကတၢၢ်တဘျီကဲထီၣ်အခါလီၤ. တၢ်ကဒူးကဒ့ၣ်ကြၢး ပာ်ဃုာ်တၢ်ဂ့ၢ်တၢ်ကျိၤလၢလာ်တဖၣ်-မံၤ,အိၣ်တၢ်လီၢ်နီၢ်ဂံၢ်ဒီးတၢ်ဆဲးကျိးအဂ့ၢ်အကျိၤ,နနာ်လၢတၢ်ကွၢ်တလီၤထီဒါနၤလၢကျဲဒ်လဲၣ်,အခါဖဲလဲၣ်, အလီၢ်ဖဲလဲၣ်ဒီးလၢမနုၤအဃိလဲၣ်န့ၣ်လီၤ.တၢ်ကဒူးကဒ့ၣ်ကဘၣ်တၢ်တီၣ်ထီၣ်အီၤလၢလံာ်တၢ်ကွဲးဃုာ်ဒီး-
ပှၤဂ့ၢ်၀ီခွဲးယာ်အ၀ဲၤဒၢး (Office of Human Rights)
120 W. State Street
Ithaca, NY 14850
607-277-4080
Tompkins County ပှၤဂ့ၢ်၀ီခွဲးယာ်အ၀ဲၤဒၢးအံၤ ဟ့ၣ်ကလီ၀ဲဒၣ်တၢ်ကတိၤကျိးထံအတၢ်မၤစၢၤလၢတၢ်ကမၤစၢၤနၤလၢနကမၤ၀ဲဒၣ် နတၢ်ဂ့ၢ်န့ၣ်လီၤ.တၢ်ကတိၤကျိးထံအတၢ်မၤစၢၤအံၤအိၣ်၀ဲဒၣ်ဖဲနမ့ၢ်ကတိၤတၢ်ဒီးပှၤဂ့ၢ်၀ီခွဲးယာ်အ၀ဲၤဒၢးခီဖျိလီတဲစိမ့ၢ်ဂ့ၤ မ့တမ့ၢ်ဖဲမ့ၢ်ဟဲလၢ၀ဲၤဒၢးအခါမ့ၢ်ဂ့ၤန့ၣ်လီၤ. ဖဲနတၢ်ဂ့ၢ်တၢ်မၤ၀ံၤမၤတဲာ်အီၤခီဖျိလီတဲစိမ့ၢ်တသ့ဘၣ်န့ၣ်, Tompkins County ပှၤဂ့ၢ်၀ီခွဲးယာ်အ ၀ဲၤဒၢး ကထံၣ်လိာ်သးဒီးနၤလၢအ၀ဲၤဒၢးဒီးရဲၣ်ကျဲၤန့ၢ်နၤဒီးပှၤကတိၤကျိးထံတၢ်တဂၤခီဖျိလီတဲစိမ့တမ့ၢ်လၢနီၢ်ကစၢ်ဖဲလၢနဟဲအခါလီၤ
တဘျီဖဲတၢ်ကဒူးကဒ့ၣ်တခါတၢ်မ့ၢ်တီၣ်ထီၣ်အီၤခီဖျိတၢ်တူၢ်လိာ်အလံာ်တကွီၢ်ဒိတခါန့ၣ်,ဘၣ်သ့ၣ်သ့ၣ်အလီၢ်အိၣ်လၢတၢ်ကဘၣ်ထံၣ်လိာ်သးဒီး OHR သဲစးပှၤဟ့ၣ်ကူၣ်တၢ်ဘၣ်ဃးတၢ်ဂ့ၢ်တၢ်ကျိၤဘၣ်ထွဲဒီးတၢ်ကဒူးကဒ့ၣ်န့ၣ်လီၤ.ဖဲတၢ်ကဒူးကဒ့ၣ်မ့ၢ်တုၤထီၣ်သဲစးအတၢ်ပာ်ပနီၣ်လၢတၢ်ကတီၣ်ထီၣ်အီၤအဂီၢ်န့ၣ်,တၢ်ကဆှၢအီၤဆူ OHR တချုး-တၢ်ကဒူးကဒ့ၣ်ကဲထီၣ်တၢ်မၤဘၣ်လိာ်က့ၤတၢ်အတၢ်ရဲၣ်တၢ်ကျဲၤမ့တမ့ၢ်ဆူကီၢ်စဲၣ်မ့တမ့ၢ် ကီၢ်စဲၣ်စၢဖှိၣ်ကရၢလၢအဖိးမံတခါန့ၣ်လီၤ.