တၢ်လီတၢ်၀့ၤဒီးတၢ်ကူၣ်တရံးလီန့ၢ်ကျိၣ်စ့တဖၣ်

တၢ်ဒုးသ့ၣ်ညါအကါဒိၣ်ဘၣ်ဃးတၢ်ကူၣ်တရံးမၤန့ၢ်ကျိၣ်စ့လၢအပညိၣ်လီၤ၀ဲဒၣ်သးပှၢ်လၢအသးနံၣ်ဒိၣ်တဖၣ်အဖီခိၣ်

ဖဲနမ့ၢ်တူၢ်ဘၣ်တၢ်ကူၣ်တရံးလီန့ၢ်နကျိၣ်စ့န့ၣ်,

1. ပာ်ဖျါထီၣ်တၢ်ကူၣ်တရံးလီန့ၢ်ကျိၣ်စ့တခါအံၤဆူ New York ကီၢ်စဲၣ်ပီၢ်ရီခိၣ်ကျၢၢ် ခီဖျိတၢ်ကိး 1-800-771-7755 န့ၣ်တက့ၢ်.  
2. ဒ်န့ၣ်အသိး,ဆိကမိၣ်ထီၣ်လၢတၢ်ကတီၣ်ထီၣ်တၢ်ကူၣ်တရံးလီန့ၢ်ကျိၣ်စ့အတၢ်ပာ်ဖျါတခါလၢလီပှာ်ယဲၤအဖီခိၣ်ဃုာ်ဒီး Better Business Bureau (မုၢ်၀ဲၤတၢ်ဖံးတၢ်မၤလၢအဂ့ၤဒိၣ်ထီၣ်ကရၢ) ဖဲ   www.bbb.org/upstate-new-york န့ၣ်တက့ၢ်. ဆီၣ်လီၤ “Get Consumer Help” ("မၤန့ၢ်ပှၤမၤန့ၢ်သူတၢ်မၤစၢၤအတၢ်ဆီၣ်ထွဲ")ဒီးမ့ၢ်၀ံၤဃုထၢ   “BBB Scam Tracker” ("BBB တၢ်လူၤကွၢ်စူၣ်တၢ်ကူၣ်တရံးလီန့ၢ်ကျိၣ်စ့")လၢတၢ်ကပာ်ဖျါထီၣ်တၢ်ကူၣ်တရံးလီန့ၢ်ကျိၣ်စ့တခါအဂီၢ်တက့ၢ်.

(မၤနီၣ်-နတီၣ်ထီၣ်တၢ်ကဒူးကဒ့ၣ်တခါလၢအဘၣ်ဃးဒီးမုၢ်၀ဲၤတၢ်ဖံးတၢ်မၤတခါလၢအသူၣ်ထီၣ်ဆီလီၤလံအသးဆူပီၢ်ရီခိၣ်ကျၢၢ်အပှာ်ယဲၤသန့အလိၤ-  www.ag.ny.gov/complaint-forms မ့တမ့ၢ်ခီဖျိတၢ်ကိး၀ဲဒၣ်လီၢ်က၀ီၤဒိၣ်၀ဲၤဒၢးလၢ Binghamton, လီတဲစိနီၢ်ဂံၢ် 607-251-2764 န့ၣ်သ့လီၤ.   နကွဲးလီၤပှၤမၤန့ၢ်သူတၢ်မၤစၢၤအတၢ်ပဲာ်ထံနီၤဖးတခါမ့တမ့ၢ်တီၣ်တီၣ်တၢ်ကဒူးကဒ့ၣ်တခါလၢအဘၣ်ဃးဒီးမုၢ်၀ဲၤတၢ်ဖံးတၢ်မၤလၢအသူၣ်ထီၣ်ဆီလီၤလံအသးတခါအဂ့ၢ်ဆူ BBB အပှာ်ယဲၤသန့သ့စ့ၢ်ကီးလီၤ.      

လၢတၢ်ကဟးဆှဲးတၢ်ကူၣ်တရံးလီန့ၢ်ကျိၣ်စ့အဂီၢ်,

တချုးနဒိးလဲပှၤလၢကမၤန့ၢ်တၢ်လၢနဟံၣ်အပူၤလၢ နတသ့ၣ်ညါအီၤတဂၤအခါ,

1. ကွၢ်ဘၣ် Better Business Bureau လၢတၢ်ကထံၣ်တၢ်ပဲာ်ထံနီၤဖးလၢအအိၣ်ပာ်တဖၣ်,တၢ်ထိၣ်ဒွးဟ့ၣ်အယူာ်တဖၣ်လၢအဘၣ်ထွဲဒီးမုၢ်၀ဲၤအ၀ဲန့ၣ်အဂီၢ်တက့ၢ်.  လဲၤအိၣ်သကိးဘၣ် www.bbb.org/upstate-new-york တက့ၢ်.
2. ပလီၢ်ပဒီနသးဒိၣ်ဒိၣ်လၢတၢ်ကမၤန့ၢ်နတၢ်လၢအလိၣ်ဘၣ်နတၢ်ဆၢတဲာ်သတူၢ်ကလာ်မ့တမ့ၢ်တၢ်အပှ့ၤဘၣ်ဘၣ်ဖိလၢတၢ်ဘှီထီၣ်အဂီၢ်မ့ၢ်လၢ"အ၀ဲသ့ၣ်မၤတၢ်ဖဲအတယံၤတဘူးဒီးဖဲအံၤဒီးတၢ်ဖိတၢ်လံၤတဖၣ်အိၣ်တ့ၢ်ဒံးအဃိ"တဖၣ်န့ၣ်တက့ၢ်.

လီတဲစိတၢ်ကူၣ်တရံးလီန့ၢ်ကျိၣ်စ့အကလုာ်ကလုာ်တဖၣ် ဟ့ၣ်ကျိၣ်စ့,ပီးလီဟ့ၣ်ကလီတဖၣ်မ့တမ့ၢ်ပာ်မၤအသးဒ်ပၢၤကီၢ်အပဒိၣ်တဖၣ်,IRS အပဒိၣ်တဖၣ်မ့တမ့ၢ်ဘူးတံၢ်လၢအဘၣ်ကီဘၣ်ခဲတဖၣ်အသိးန့ၣ်လီၤ.

1. ဖဲနမ့ၢ်ဒိးန့ၢ်ဘၣ်တၢ်ကိးလၢအထံးအခံတအိၣ်တဖၣ်အခါ,ဘံးသံကွံာ်အီၤဒီးတဘၣ်ဆီၣ်လီၤနီၣ်ဆီၣ်ခံနီတခါတဂ့ၤ. 
2. ဖဲနမ့ၢ်စံးဆၢဘၣ်တၢ်ကိးတခါအခါ,တဘၣ်ဟ့ၣ်နီၢ်တဂၤအတၢ်ဂ့ၢ်တၢ်ကျိၤဖဲတၢ်သံကွၢ်နၤအခါတဂ့ၤ.   တၢ်အံၤပာ်ဃုာ်နမံၤ(ဖဲအ၀ဲသ့ၣ်မ့ၢ်အိၣ်ဖျါလၢအသ့ၣ်ညါနမံၤအခါဒၣ်လဲာ်),အိၣ်ဖျဲၣ်မုၢ်နံၤမုၢ်သီ,ပှၤဂ့ၢ်၀ီတၢ်ဘံၣ်တၢ်ဘၢမ့တမ့ၢ်မဲဒံးခဲ(ရ) #, ဒီးခရဲဒံးအကးမ့တမ့ၢ်ကျိၣ်စ့အတၢ်ဂ့ၢ်တၢ်ကျိၤလၢအဂၤတဖၣ်န့ၣ်လီၤ.
3. သ့ၣ်နီၣ်ထီၣ်တက့ၢ်,ညီနုၢ်န့ၣ်တၢ်အံၤမ့ၢ်ကျိၤကွာ်အဂ့ၤကတၢၢ်တခါလၢနဂီၢ်လၢတၢ်ကထံၣ်န့ၢ်မုၢ်၀ဲၤဒီးတၢ်မၤစၢၤအတၢ်ဖံးတၢ်မၤလၢနလိၣ်ဘၣ်အီၤ,လၢတၢ်ကပျဲပှၤကိးတၢ်လၢအထံးအခံတအိၣ်ကဃုထံၣ်န့ၢ်နၤလၢညါန့ၣ်လီၤ.  ဖဲနမ့ၢ်အိၣ်၀ဲဒၣ်လၢတဘၣ်ကိးဘၣ်အစရီတခါအပူၤဒၣ်လဲာ်,မုၢ်၀ဲၤတၢ်ဖံးတၢ်မၤလၢအလၤကပီၤတအိၣ်တဖၣ်န့ၣ်ကလဲၤခီပတာ်တၢ်သိၣ်တၢ်သီန့ၣ်လီၤ.
4. စဲးဖီကဟၣ်မုၢ်မဆါတနံၤအံၤပျဲပှၤကိးတၢ်တဖၣ်လၢအအိၣ်လၢထံကီၢ်အဂၤကကိးနၤဒီးလိၣ်ထီၣ်အသးဒ်အ၀ဲသ့ၣ်ကိးနၤဒီးလီတဲစိလၢအအိၣ်ဘူးဒီးန၀့ၢ်န့ၣ်လီၤ.   တၢ်လၢအဂ့ၤကတၢၢ်မ့ၢ်တၢ်ကပျဲတၢ်ကိးလၢနတသ့ၣ်ညါအီၤတဖၣ်လဲၤဃီၤဆူနတၢ်ကလုၢ်အပရၢအဒၢပူၤမ့ၢ်ဒ်သိးနသမံသမိးတၢ်ကိးအံၤကသ့၀ဲဒၣ်လၢညါဒီးဆၢတဲာ်လီၤမ့ၢ်နအဲၣ်ဒိးကိးကဒါက့ၤအီၤလၢခံဧါအဂီၢ်တက့ၢ်.
5. တဘျီလၢ်လၢ်ဖဲတၢ်မၢနဟ့ၣ်တၢ်အလဲတခါလၢတၢ်ကဒိးန့ၢ်ဘၣ်ပဒိၣ်အတၢ်ဟ့ၣ်လီၤကျိၣ်စ့အဂီၢ်န့ၣ်,တၢ်န့ၣ်မ့ၢ်တၢ်ကူၣ်တရံးလီန့ၢ်ကျိၣ်စ့တခါန့ၣ်လီၤ..   ပှၤတဂၤလၢ်လၢ်လၢအဃ့ထီၣ်တၢ်ဟ့ၣ်အလဲခီဖျိတၢ်ဆှၢဃီၤလၢမ့တမ့ၢ်တၢ်ဟ့ၣ်ဆိလၢညါစ့အကးတဖၣ်န့ၣ်တၢ်ကြၢးပာ်အီၤဒ်တၢ်လၢပနာ်အီၤတသ့ဘၣ်န့ၣ်လီၤ. IRS မၤကဲထီၣ်တၢ်ဆဲးကျိးအခီၣ်ထံးဘၣ်ဃးခိသွဲလၢတၢ်တဟ့ၣ်ဒံးအီၤတဖၣ်ခီဖျိလံာ်ပရၢ,တဆဲးကျိးနၤခီဖျိလီတဲစိမ့တမ့ၢ်အံမ့(လ)ဘၣ်.   

      အံမ့(လ)အိၣ်ဟဲ၀ဲဒၣ်လၢပှၤကူၣ်တရံးလီတၢ်အအိၣ်သ့လီၤ ဒီးပှၤအဂၤတဖၣ်လၢအမ့ၢ်ဟုၣ်န့ၢ်တၢ်လၢနခီၣ်ဖၠူထၢၣ်အပူၤလၢအ၀ဲသ့ၣ်အတၢ်ပညိၣ်တဖၣ်အဂီၢ်

1. တဘၣ်အိးထီၣ်တၢ်ဘျးစဲထၢနုာ်လီၤလၢပှၤလၢနတသ့ၣ်ညါအီၤတဖၣ်အအိၣ်,မ့မ့ၢ်ဘၣ်ဖုးလၢနဘူးနတံၢ်မ့တမ့ၢ်တံၤသကိးတဖၣ်အအိၣ်ဒၣ်လဲာ်န့ၣ်တၢ်နာ်အီၤတသ့ဘၣ်န့ၣ်လီၤ  နဘူးနတံၢ်အခီၣ်ဖၠူထၢၣ်တၢ်နုာ်လီၤဆူအပူၤဒီးဆှၢန့ၢ်နၤအံမ့(လ)န့ၣ်လီၤ.  ဖဲနမ့ၢ်အိၣ်ဒီးတၢ်သးဒ့ဒီအခါ,ဆှၢဃီၤအံမ့(လ)မ့တမ့ၢ်တၢ်ကစီၣ်ဖုၣ်လီၤဆီတခါဆူနဘူးနတံၢ်အအိၣ်ဒီးသံကွၢ်တၢ်လၢနဒိးန့ၢ်အီၤန့ၣ်မ့ၢ်အဟဲလၢအ၀ဲသ့ၣ်အအိၣ်နီၢ်နီၢ်ဧါတက့ၢ်.
2. တဘၣ်ဆီၣ်လီၤလၢပှာ်ယဲၤဘျးစဲတဖၣ်မ့တမ့ၢ်လံာ်တြံာ်လၢအအိၣ်လၢအံမ့(လ)လၢနတသ့ၣ်ညါအီၤတဖၣ်မ့တမ့ၢ်အံၣ်လဲးထြီနံးတၢ်ကစီၣ်တဖၣ်အပူၤလၢတၢ်ကဟးဆှဲးတၢ်ထုးန့ၢ်ခီၣ်ဖၠူထၢၣ်ဘဲရၢး(စ)လၢအဟ့ၣ်ပှၤကူၣ်တရံးလီန့ၢ်တၢ်တဖၣ်ကမၤန့ၢ်သူ၀ဲဒၣ်နခီၣ်ဖၠူထၢၣ်အဂီၢ်တဂ့ၤ.

SSA တၢ်ကူၣ်တရံးလီန့ၢ်တၢ်အတၢ်သ့ၣ်ညါနၢ်ပၢၢ် PSA

တၢ်ကူၣ်တရံးလီန့ၢ်တၢ်လၢဘၣ်ထွဲဒီးတၢ်ဆဲးကသံၣ်ဒီသဒၢအကး

COVID-19 တၢ်ကူၣ်တရံးလီန့ၢ်တၢ်လၢအဘၣ်ထွဲဒီးတၢ်လူၤကွၢ်စူၣ်ပှၤအိၣ်ဘူးထိးဘၣ်ဒီးတၢ်ဆါအဃၢ်

တၢ်လီန့ၢ်တၢ်,တၢ်ကူၣ်တရံးလီန့ၢ်တၢ်ဒီးတၢ်ဟုၣ်န့ၢ်ပှၤတဂၤအက့ၢ်ပနီၣ်တၢ်ဟ့ၣ်ပလီၢ်ဒီးတၢ်ဂ့ၢ်တၢ်ကျိၤ

တၢ်ဆၢကတီၢ်အသီတၢ်ကူၣ်တရံးလီန့ၢ်တၢ်အတၢ်ဟ့ၣ်ပလီၢ်တဖၣ်