Office for the Aging (တၢ်သူၣ်က့သးပှၢ်ထီၣ်အ၀ဲၤဒၢး)

စံးဘျုးဘၣ်နၤလၢနဟဲအိၣ်သကိး၀ဲဒၣ်Tompkins County Office for the Aging အဃိလီၤ, နတၢ်နုာ်လီၤဆူသးပှၢ်အတၢ်မၤစၢၤအတၢ်ဖံးတၢ်မၤလၢ Tompkins County အလီၢ်န့ၣ်လီၤ. ပဟ့ၣ်၀ဲဒၣ်တၢ်ဂ့ၢ်တၢ်ကျိၤလၢတပာ်ဖျါထီၣ်ပတၢ်ဆိကမိၣ်ဒီးတကွၢ်မဲာ်တၢ်လၢအဘၣ်ထွဲဒီးတၢ်မၤစၢၤတဘျုးမံၤလၢသးပှၢ်လၢအသးနံၣ်ဒိၣ်တဖၣ်အဂီၢ်ဒီးပှၤလၢအကွၢ်ထွဲကဟုကယာ်အ၀ဲသ့ၣ်တဖၣ်အဂီၢ်န့ၣ်လီၤ. သူၣ်ထီၣ်အသးဖဲ 1975, ပတၢ်မုၢ်လၢ်ကွၢ်စိမ့ၢ်တၢ်ကမၤစၢၤ သးပှၢ်အသးနံၣ်ဒိၣ်တဖၣ်ဒီးပှၤလၢအအိၣ်ဒီးကတီၢ်ယံာ်တၢ်ကွၢ်ထွဲကဟုကယာ်အတၢ်လိၣ်ဘၣ်တဖၣ်လၢအကအိၣ်ဆိးပှဲၤတၢ်သဘျ့လၢအ၀ဲသ့ၣ်အကစၢ်အဟံၣ်ဒီးအပှၤတ၀ၢအပူၤလၢအပှဲၤတၢ်အိၣ်မူလၢအကံၢ်အစီဂ့ၤဒီးအိၣ်ဒီးသူးသ့ၣ်လၤကပီၤန့ၣ်လီၤ.

ပ၀ဲၤဒၢးအံၤအိးထီၣ်အသးဖဲမုၢ်ဆၣ်တုၤမုၢ်ဖီဖးစးထီၣ်ဂီၤ 8:30နၣ်ရံၣ်တုၤဟါ 4:30နၣ်ရံၣ်
214 W. Martin Luther King Jr./State Street (Human Services Annex Building)
Ithaca, NY 14850
လီတဲစိ-(607) 274-5482

ပနၢ်ပၢၢ်၀ဲဒၣ်လၢတၢ်ပာ်ကတီၢ်သိလ့ၣ်ညီနုၢ်ကဲတၢ်ဂ့ၢ်ကီဖဲလဲၤဆူ၀့ၢ်ပူၤအခါန့ၣ်လီၤ. ပ၀ဲၤဒၢးအံၤအိၣ်ဒီးကျဲကပၤတၢ်ပာ်ကတီၢ်သိလ့ၣ်လၢတၢ်ဟ့ၣ်ဆိပာ်အပှ့ၤအကးတဖၣ် လၢတၢ်ပှ့ၤန့ၢ်အီၤသ့န့ၣ်အိၣ်၀ဲဒၣ်လီၤ. ကးတဖၣ်အံၤတၢ်ဆါန့ၢ်အီၤလၢတၢ်ပှ့ၤဆိပာ်လၢအမ့ၢ်၀ဲဒၣ်လၢ 15 မံးနံး, 20 မံးနံး, 1 နၣ်ရံၣ်, 1.5 နၣ်ရံၣ်, ဒီး 2 နၣ်ရံၣ်တဖၣ်န့ၣ်လီၤ. တဘျီဖဲတၢ်မ့ၢ်ပှ့ၤန့ၢ်လံအီၤန့ၣ်,ထဲဒၣ်နကဘၣ်ကွးစီကွံာ်မုၢ်နံၤဒီးတၢ်ဆၢကတီၢ်လၢအဖိးမံတခါဒီးပာ်တ့ၢ်ကးန့ၢ်လၢသိလ့ၣ်အနီၣ်ပၢၤအလီၤဖဲနပာ်ကတီၢ်သိလ့ၣ်အခါန့ၣ်တက့ၢ်.ကိးဘၣ်လီတဲစိမ့တမ့ၢ်ဟဲဆူ၀ဲၤဒၢးလၢတၢ်ဂ့ၢ်တၢ်ကျိၤဆူညါအဂီၢ်တက့ၢ်.