ဖိသၣ်ဒီးသးစၢ်အတၢ်ကူစါယါဘျါ

ပတၢ်မၤစၢၤအတၢ်ဖံးတၢ်မၤတဖၣ်

ဖဲနၤမ့တမ့ၢ်နဖိမ့ၢ်လဲၤခီဖျိဘၣ်သးတၢ်ဆိကမိၣ်ဆိကမးအတၢ်အိၣ်ဆူၣ်အိၣ်ချ့တၢ်ဂ့ၢ်ကီတဖၣ်အခါ,ပအိၣ်၀ဲဒၣ်ဖဲအံၤလၢတၢ်ကမၤစၢၤတၢ်န့ၣ်လီၤ. ပကသံၣ်သရၣ်တဖၣ်ဟ့ၣ်၀ဲဒၣ်တၢ်ကူစါလၢသးစၢ်ဒီးဟံၣ်ဖိဃီဖိတဖၣ်လၢအဘၣ်ဒိဘၣ်ထံးဒီးသးတၢ်ဆိကမိၣ်ဆိကမးအတၢ်အိၣ်ဆူၣ်အိၣ်ချ့အတၢ်အိၣ်သးတဖၣ်လၢအမ့ၢ်တၢ်ဒ်သိးတၢ်သးသဟီၣ်လီၤ,တၢ်သူၣ်ကိၢ်သးဂီၤ,OCD, မ့တမ့ၢ်တၢ်ပျံၤတီၢ်တၢ်အတၢ်ဂ့ၢ်ကီတဖၣ်န့ၣ်လီၤ.ဖဲပှၤမၤန့ၢ်သူတၢ်တဂၤမၤပှဲၤတၢ်သမံသမိးမၤကွၢ်လၢတၢ်ကဆၢတဲာ်အ၀ဲသ့ၣ်အတၢ်လိၣ်ဘၣ်တဖၣ်မ့ၢ်၀ံၤအခါ,တၢ်ကူစါအကရူၢ်ဒီးပှၤမၤန့ၢ်သူတၢ်ဒုးကဲထီၣ်တၢ်ကူစါယါဘျါတခါအတၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်တၢ်ကျဲၤပာ်ဃုာ်ဖီတၢၣ်ဒီးတၢ်မုၢ်လၢ်တိာ်ပာ်လီၤလီၤဆီဆီတခါလၢအဖိးမံဒီးပှၤမၤန့ၢ်သူတၢ်အတၢ်လိၣ်ဘၣ်တဖၣ်န့ၣ်လီၤ. ပှၤမၤန့ၢ်သူတၢ်ဒီးပှၤဂ့ၢ်၀ီပှၤမၤတၢ်ဖိလၢတၢ်ဃုထၢထီၣ်အီၤန့ၣ်မၤသကိးတၢ်တပူၤဃီလၢတၢ်ကလူၤပိာ်မၤထွဲ၀ဲဒၣ်တၢ်ရဲၣ်တၢ်ကျဲၤန့ၣ်လီၤ.

ပတၢ်မၤစၢၤအတၢ်ဖံးတၢ်မၤတဖၣ်န့ၣ်အိၣ်၀ဲဒၣ်လၢပှၤမၤန့ၢ်သူတၢ်လၢအသးအိၣ် 25 နံၣ်ဒီးဆူအဖီလာ်တဖၣ်အဂီၢ်လီၤ.

သ့ၣ်နံၤဖးသီတၢ်ဆၢကတီၢ်တခါဃုာ်ဒီးလီတဲစိမ့တမ့ၢ်ဟဲနုာ်လီၤဖဲတၢ်အိးထီၣ်အဆၢကတီၢ်တၢ်ဟဲနုာ်လီၤသ့အကတီၢ်,မုၢ်ဆၣ်-မုၢ်ဖီဖး ဂီၤ   9နၣ်ရံၣ် - ဟါ 2:30 န့ၣ်တက့ၢ်.

တၢ်မၤစၢၤအတၢ်ဖံးတၢ်မၤန့ၣ်တၢ်ဟ့ၣ်လီၤအီၤလၢကၠိလီၤ

Tompkins County Mental Health Services န့ၣ်မၤသကိးဃုာ်တၢ်ဒီးကၠိကီၢ်ရ့ၣ်တခါစုာ်စုာ် (Ithaca, Dryden, Trumansburg, Newfield, Enfield, Groton) ဒီးဟ့ၣ်တၢ်မၤစၢၤအတၢ်ဖံးတၢ်မၤဆူသးစၢ်ဖိသၣ်ဒီးသးစၢ်လိၣ်ဘိတဖၣ်အဂီၢ်လီၤ.တလိၣ်နဟဲဆူပကသံၣ်ဒၢးဘၣ်ဒီးမၤညီလီၤန့ၢ်တၢ်လၢနဂီၢ်မ့တမ့ၢ်နဖိအဂီၢ်လၢတၢ်ကဒိးန့ၢ်ဘၣ်တၢ်ကွၢ်ထွဲကဟုကယာ်အကံၢ်အစီတမံၤဃီန့ၣ်လီၤ.