တၢ်လၢ PROS စံးတၢ်န့ၣ်မ့ၢ်မနုၤလဲၣ်
Personalized Recovery Oriented Services (PROS) မ့ၢ်တၢ်ပညိၣ်လီၤလၢတၢ်ဘျါက့ၤအလၢအပှဲၤအတၢ်ရဲၣ်တၢ်ကျဲၤတခါလၢသးပှၢ်ဒိၣ်တုာ်ခိၣ်ပှဲၤတဖၣ်အဂီၢ်လၢအအိၣ်ဒီးသးတၢ်ဆိကမိၣ်ဆိကမးအတၢ်ဆူးတၢ်ဆါလၢအနးဒီးအအိၣ်တလီၢ်လီၢ်တဖၣ်အဂီၢ်လီၤ.ဖီတၢၣ်အခိၣ်သ့ၣ်လၢအဘၣ်ထွဲဒီးတၢ်ရဲၣ်တၢ်ကျဲၤတခါအံၤန့ၣ်မၤစၢၤပှၤကညီဒ်သိးအကမၤတၢ်လၢအတၢ်အိၣ်မူကိးကပၤဒဲး — ပှၤဂ့ၢ်၀ီ,တၢ်ဖံးတၢ်မၤ,တၢ်ကူၣ်ဘၣ်ကူၣ်သ့,ဟံၣ်ဃီတၢ်အိၣ်တၢ်ဆိး,တၢ်ဃုန့ၢ်တၢ်ပညိၣ် — ဖဲသးတၢ်ဆိကမိၣ်ဆိကမးအတၢ်အိၣ်ဆူၣ်အိၣ်ချ့မ့တမ့ၢ်တၢ်သူကမၣ်တၢ်မူၤတၢ်ဘှီးဒုးကဲထီၣ်တၢ်နိးတၢ်ဘျးတဖၣ်အခါန့ၣ်လီၤ.
ညီနုၢ်တၢ်အစၢလၢအဟဲထီၣ်လၢတၢ်ပာ်ဃုာ်ပာ်ဂီၢ်လၢ PROS အပူၤပာ်ဃုာ်တၢ်ဂ့ၤထီၣ်လၢတၢ်အိၣ်မူအကံၢ်အစီဒီတခါ,တၢ်ထီၣ်ဘၣ်တၢ်ဆါဟံၣ်စှၤလီၤဒီးတၢ်သုးသးလၢတၢ်ကမၤန့ၢ်ဖီတၢၣ်တဖၣ်န့ၣ်လီၤ.တီၤပတီၢ်တခါစုာ်စုာ်အတၢ်လဲၤတရံးအသးန့ၣ်ယံာ်၀ဲဒၣ် 12 နွံ,သနာ်က့နစးထီၣ်လၢတဘျီလၢ်လၢ်ဖဲနမ့ၢ်အိၣ်ကတဲာ်ကတီၤလံနသးအခါန့ၣ်သ့လီၤ.တၢ်အဒိအတဲာ်တနီၤလၢတီၤတၢ်မၤလိလၢတၢ်ဘၣ်သူၣ်ဘၣ်သးအီၤတဖၣ်မ့ၢ်၀ဲ Change Triangle (တၢ်သၢကနူၤဃူတၢ်ဆီတလဲ), Coping with Panic (တၢ်သ့လဲၤခီဖျိတၢ်ပျံၤတၢ်သတူၢ်ကလာ်), Strengthening Social Skills (မၤဆူၣ်ထီၣ်ပှၤဂ့ၢ်၀ီအတၢ်သ့တၢ်ဘၣ်တဖၣ်), Financial Wellness and Healthy Relationships (ကျိၣ်စ့အတၢ်အိၣ်မုာ်ဆိးပၢၤဒီးတၢ်ရ့လိာ်မုာ်လိာ်လၢအဆူၣ်အချ့)န့ၣ်လီၤ.
တၢ်ဆၢကတီၢ်တခါဂ့ၤတခါဂ့ၤန့ၣ်ဂ့ၤ၀ဲဒၣ်လၢတၢ်ကစးထီၣ်နတၢ်ဘျါက့ၤအတၢ်လဲၤကျဲန့ၣ်လီၤ.
တၢ်မၤစၢၤအတၢ်ဖံးတၢ်မၤဃုာ်ဒီး PROS
- Community Re (ပှၤတ၀ၢ Re)habilitation Service (တၢ်ဂ့ၤထီၣ်ကဒါအတၢ်မၤစၢၤအတၢ်ဖံးတၢ်မၤ)(CRS)- PROS အတၢ်မၤအဟီၣ်က၀ီၤတခါအံၤပညိၣ်လီၤလၢတၢ်ကဒုးအိၣ်ထီၣ်တၢ်သ့လဲၤခီဖျိကွံာ်တၢ်ဒီးတၢ်ဃဲာ်လီၤဘှါလီၤအတၢ်သ့တၢ်ဘၣ်တဖၣ်,တဘျီဃီဃုာ်ဒီးတၢ်မၤဂ့ၤထီၣ်တၢ်ရ့လိာ်မုာ်လိာ်ဒီးတၢ်အိၣ်မူအိၣ်ဂဲၤအတၢ်သ့တၢ်ဘၣ်တဖၣ် – တၢ်ထိၣ်ဒွးပာ်ပနီၣ်တၢ်ကသူကျိၣ်စ့ဒ်လဲၣ်ဒီးတၢ်အိၣ်ဆိးပှဲၤတၢ်အိၣ်ဆူၣ်အိၣ်ချ့န့ၣ်လီၤ.
- Intensive Rehabilitation (တၢ်ဂ့ၤထီၣ်ဘျါက့ၤလၢအအိၣ်ဒီးတၢ်ဂဲၤလိာ်ဆူၣ်ဆူၣ်ကလဲာ်) (IR)- တၢ်ရဲၣ်တၢ်ကျဲၤတခါအံၤတၢ်ဟ့ၣ်လီၤဆူနီၢ်တဂၤစုာ်စုာ်မ့တမ့ၢ်ကရူၢ်တဖၣ်အပူၤသ့လီၤ.တၢ်သူအီၤလၢတၢ်ကဃဲာ်လီၤဘှါလီၤတၢ်ပညိၣ်အလီၢ်က၀ီၤလီၤလီၤဆီဆီလၢအဘၣ်ထွဲဒီးတၢ်ဘျါက့ၤလၢတၢ်ပျံၤတီၢ်တၢ်,တၢ်သူကသံၣ်မူၤဘှီးမ့တမ့ၢ်ကွၢ်ဃုတၢ်ဖံးတၢ်မၤ,တၢ်ထီၣ်ကၠိကီၢ်န့ၣ်လီၤ. ညီနုၢ်,တၢ်မၤစၢၤအတၢ်ဖံးတၢ်မၤတခါအံၤယံာ်၀ဲဒၣ်တၢ်ဆၢကတီၢ်ဖုၣ်ဖုၣ်တခါ– မ့ၢ်တၢ်ဆီၣ်ထွဲ “လၢအဂဲၤလိာ်မၤတၢ်ဆူၣ်ဆူၣ်ကလဲာ်”တခါလီၤ.
- Ongoing Rehabilitation and Support (တၢ်ဂ့ၤထီၣ်ဘျါက့ၤဒီးတၢ်ဆီၣ်ထွဲလၢအလဲၤအသးဆူညါတဖၣ်) (ORS)- ORS အတၢ်မၤန့ၣ်မ့ၢ်တၢ်ဟ့ၣ်လီၤဆူပှၤတဂၤစုာ်စုာ်အဂီၢ်ခီဖျိပှၤမၤတၢ်ဖိတဂၤန့ၣ်လီၤ. တၢ်ဂ့ၤထီၣ်ဘျါက့ၤဒီးတၢ်ဆီၣ်ထွဲလၢအလဲၤအသးဆူညါအပှၤမၤတၢ်ဖိထံၣ်လိာ်သးဒီးပှၤပာ်ဃုာ်ပာ်ဂီၢ်လၢပှၤတ၀ၢအပူၤမ့တမ့ၢ်လၢအ၀ဲသ့ၣ်အတၢ်ဖံးတၢ်မၤအလီၢ်လၢတၢ်ကမၤစၢၤအ၀ဲသ့ၣ်မၤဘၣ်လိာ်ဖိးဒ့အတၢ်ကွၢ်ထွဲလီၤနီၢ်ကစၢ်သးတၢ်ဆိကမိၣ်ဆိကမးအတၢ်အိၣ်ဆူၣ်အိၣ်ချ့အတၢ်လိၣ်ဘၣ်တဖၣ်ဒီးအတၢ်ပာ်ဃာ်အတၢ်ဖံးတၢ်မၤန့ၣ်လီၤ.တၢ်အံၤဘၣ်သ့ၣ်သ့ၣ်ကပာ်ဃုာ်တၢ်သ့ကွၢ်ဆၢၣ်မဲာ်ကွံာ်တၢ်ဂ့ၢ်ကီအတၢ်သ့တၢ်ဘၣ်တဖၣ်အပှၤဒုးအိၣ်ထီၣ်တၢ်တၢ်ဆီၣ်ထွဲလိၤလိၤဃုာ်ဒီးတၢ်မၤကစၢ်တဖၣ်န့ၣ်လီၤ.
- Clinic Treatment (ကသံၣ်ဒၢးတၢ်ကူစါ) (CT)- CT အတၢ်မၤန့ၣ်မၤစၢၤပှၤပာ်ဃုာ်ပာ်ဂီၢ်တဖၣ်လၢအကလဲၤခီဖျိကွံာ်တၢ်နိးတၢ်ဘျးလၢဘၣ်သ့ၣ်သ့ၣ်ကဲထီၣ်ခီဖျိအ၀ဲသ့ၣ်အနီၢ်ခိအတၢ်အိၣ်ဆူၣ်အိၣ်ချ့,သးတၢ်ဆိကမိၣ်ဆိကမးအတၢ်အိၣ်ဆူၣ်အိၣ်ချ့ဒီး,မ့တမ့ၢ်တၢ်သူကမၣ်ကသံၣ်ကသီအတၢ်တဘၣ်လီၢ်ဘၣ်စးတဖၣ်အဃိန့ၣ်သ့လီၤ. ကသံၣ်ဒၢးတၢ်ကူစါပာ်ဃုာ်သရၣ်သရၣ်မုၣ်ကွၢ်ပှၤဆါ,တၢ်တၢၣ်ပီၣ်ဟ့ၣ်ကူၣ်ဟ့ၣ်ဖးဒီးတၢ်ရဲၣ်ကျဲၤပၢဆှၢကသံၣ်ကသီန့ၣ်လီၤ.
မ့ၢ်ယကမၤတၢ်မနုၤလၢ Pros န့ၣ်လဲၣ်.
ပှၤပာ်ဃုာ်ပာ်ဂီၢ်တဖၣ်န့ၣ်မ့ၢ်ပှၤအခိၣ်သ့ၣ်လၢကမၤသကိးတၢ်ဒီးကသံၣ်သရၣ်တဖၣ်လၢအတၢ်ကွဲးကဲထီၣ်အနီၢ်ကစၢ်တၢ်ဘျါက့ၤအတၢ်ရဲၣ်တၢ်ကျဲၤန့ၣ်လီၤ. တၢ်မၤလိအတီၤတဖၣ်တၢ်ဟ့ၣ်လီၤအီၤလၢအဒိးသန့ၤထီၣ်လၢတၢ်လိၣ်ဒီးတၢ်ဃ့ထီၣ်ခီဖျိပှၤပာ်ဃုာ်ပာ်ဂီၢ်တဖၣ်အဖီခိၣ်န့ၣ်လီၤ.တၢ်မၤလိအယူာ်တခါယံာ်၀ဲဒၣ် 12 နွံ,ပှၤကညီတဖၣ်စးထီၣ်လၢတၢ်ဆၢကတီၢ်တခါလၢ်လၢ်အဂီၢ်သ့လီၤ.တၢ်ခွဲးတၢ်ယာ်တဖၣ်အိၣ်၀ဲဒၣ်အါမံၤလၢပှၤလဲၤခီဖျိတူၢ်ဘၣ်ဒ်သိးသိးတဖၣ်တီခိၣ်ရိၣ်မဲဒုးလဲၤတၢ်ဟူးတၢ်ဂဲၤလၢတၢ်ကတုၤထီၣ်ပှၤပာ်ဃုာ်ပာ်ဂီၢ်တဖၣ်အတၢ်သးစဲန့ၣ်လီၤ.ကရူၢ်လၢပှၤလၢအတူၢ်ဘၣ်လဲၤခီဖျိဘၣ်တၢ်ဒ်သိးသိးတီခိၣ်ရိမဲတနီၤန့ၣ်မ့ၢ်၀ဲ-
- ဒွဲလၤ
- တၢ်သူၣ်ဖျးတၢ်လၢကရၢၢ်အပူၤ
- တၢ်ကွဲးလံာ်
- ပှၤဂ့ၢ်၀ီအတၢ်ဟူးတၢ်ဂဲၤတဖၣ်
- တၢ်လိာ်ကွဲ
- တၢ်အိၣ်ဂၢၢ်ဆိကမိၣ်ထံတၢ်
ဆီၣ်လီၤဖဲအံၤလၢ PROS အတၢ်မၤလိစရီအလၢအပှဲၤတခါအဂီၢ်တက့ၢ်.
PROS အံၤဘၣ်သ့ၣ်သ့ၣ်ကဂ့ၤလၢနဂီၢ်ဖဲ...
- နသးအိၣ်၀ဲဒၣ်အစှၤကတၢၢ် 18 နံၣ်န့ၣ်လီၤ.
- နအိၣ်ဒီးတၢ်ဂ့ၢ်ကီလၢတၢ်ကတုၤထီၣ်ဖီတၢၣ်လၢတၢ်လီၢ်ဒ်သိးဒီးတၢ်ဖံးတၢ်မၤ,ကၠိ,တၢ်ရ့လိာ်မုာ်လိာ်ဒီးဟံၣ်ဃီတၢ်အိၣ်တၢ်ဆိးလၢအဂၢၢ်အကျၢၤန့ၣ်လီၤ.
- တၢ်နိးတၢ်ဘျးဘၣ်ထွဲဒီးသးတၢ်ဆိကမိၣ်ဆိကမးဒီး,မ့တမ့ၢ်တၢ်သူကမၣ်တၢ်မူၤကဘှီတြီနၤလၢနကတုၤထီၣ်နဖီတၢၣ်တဖၣ်န့ၣ်လီၤ.
- နကဘၣ်သ့ပာ်ဃုာ်ပာ်ဂီၢ်ဒီးမၤန့ၢ်တၢ်ဘျုးတၢ်ဖှိၣ်လၢကရူၢ်အတၢ်ရဲၣ်လီၤကျဲၤလီၤအပူၤန့ၣ်လီၤ.
တၢ်အံၤညီ၀ဲဒၣ်လၢတၢ်ကပာ်ဃုာ်ပာ်ဂီၢ်န့ၣ်လီၤ
- ကိးလီတဲစိလၢတၢ်သံကွၢ်သံဒိးတၢ်ဂ့ၢ်တၢ်ကျိၤအတၢ်သ့ၣ်နံၤဖးသီအဂီၢ် — ပကထံၣ်နၤလၢတနွံအတီၢ်ပူၤလီၤ.
- ဟဲနုာ်လီၤဆူ Mental Health Building (သးတၢ်ဆိကမိၣ်ဆိကမးအတၢ်အိၣ်ဆူၣ်အိၣ်ချ့အတၢ်သူၣ်ထီၣ်အပူၤ)ဒီးဃ့န့ၢ်တၢ်သ့ၣ်နံၤဖးသီတခါတက့ၢ်.
- မၢနပှၤကူစါနၤမၤတၢ်ဆှၢဃီၤတခါဆူ PROS အအိၣ်တက့ၢ်
တၢ်တုၤထီၣ်ထီၣ်ဘးန့ၣ်စးထီၣ်အသးဖဲအံၤလီၤ