သူၣ်က့သးပှၢ်ထံဖိကီၢ်ဖိလၢအအိၣ်လၢဟံၣ်တဖၣ်ဟ့ၣ်တၢ်ဖးခီဖျိတၢ်ဆှၢလီၤလံာ်ပရၢခီဖျိတၢ်မၤပှဲၤလီၤပှၤတထီၣ်ဟ့ၣ်တၢ်ဖးလၢနီၢ်ကစၢ်လီၤစိၤအလံာ်ပတံထီၣ် ဒီး Board of Elections (တၢ်ဃုထၢကမံးတံာ်မိၢ်ပှၢ်)န့ၣ်သ့လီၤ. တၢ်တထီၣ်ဟ့ၣ်တၢ်ဖးလၢနီၢ်ကစၢ်လီၤစိၤအတၢ်အိၣ်သးန့ၣ်အိၣ်၀ဲဒၣ်လၢပှၤဟ့ၣ်တၢ်ဖးတဂၤလၢ်လၢ်လၢအစံးအအိၣ်ဒီးတၢ်ဆူးတၢ်ဆါမ့တမ့ၢ်နီၢ်ခိအတၢ်တလၢတပှဲၤတဆူၣ်တချ့လီၤစိၤတဖၣ်အဂီၢ်လီၤ. (ဖဲနမ့ၢ်ဆိကမိၣ်လၢနကဘၣ်အိၣ်လၢဟံၣ်ထဲဒၣ်တစိၢ်တလီၢ်န့ၣ်,ဒီးလၢတၢ်ဆၢကတီၢ်တတီၤတီၤနကလဲၤဆူတၢ်ဟ့ၣ်တၢ်ဖးအလီၢ်လၢတၢ်ကဟ့ၣ်တၢ်ဖးကသ့အခါန့ၣ်,နကဘၣ်တီၣ်ထီၣ် Temporary Absentee application (တစိၢ်တလီၢ်တၢ်တထီၣ်ဟ့ၣ်တၢ်ဖးလၢနီၢ်ကစၢ်အလံာ်ပတံထီၣ်)န့ၣ်လီၤ. )
ပှၤပတံထီၣ်တၢ်ခဲလၢာ်ကဘၣ်မၤပှဲၤအမံၤ,အအိၣ်ဆိးလီၢ်အနီၢ်ဂံၢ်,အိၣ်ဖျဲၣ်မုၢ်နံၤ,ဒီးတၢ်လီၢ်လီၤလီၤဆီဆီဖဲလံာ်တၢ်ဖးအက့အံၤတၢ်ကဘၣ်ဆှၢန့ၢ်အီၤန့ၣ်လီၤ.ပှၤန့ၢ်စိန့ၢ်ကမီၤလၢအမၤန့ၢ်ခဲးတၢ်လၢပှၤတဂၤအဂီၢ်တဘၣ်ဆဲးလီၤလံာ်ပတံထီၣ်မ့တမ့ၢ်လံာ်တၢ်ဖးအက့လၢပှၤပတံထီၣ်တၢ်အဂီၢ်ဘၣ်. ဖဲပှၤပတံထီၣ်တၢ်တဂၤမ့ၢ်ဆဲးလီၤအမံၤမ့ၢ်တသ့ဘၣ်အခါအကဘၣ်မၤနီၣ် (x) လၢစုဆဲးပနီၣ်အကျိၤအလိၤန့ၣ်လီၤ.ပှၤန့ၢ်စိန့ၢ်ကမီၤလၢအကမၤန့ၢ်ခဲးတၢ်မ့တမ့ၢ်ပှၤအဂၤတဂၤ,ကဲပှၤအုၣ်သးလၢတၢ်မၤနီၣ်အဂီၢ်လၢပှၤအုၣ်သးအမူာ်အနီၢ်အကျိၤအလိၤန့ၣ်သ့လီၤ.
နကလိၣ်တီၣ်ထီၣ်လီၤစိၤတၢ်တထီၣ်ဟ့ၣ်တၢ်ဖးလၢနီၢ်ကစၢ်အလံာ်ပတံထီၣ်ထဲတဘျီဧိၤလီၤ.တၢ်န့ၣ်အလီၢ်ခံနကဒိးန့ၢ်ဘၣ်လံာ်တၢ်ဖးအက့တဖၣ်လၢတၢ်ဃုထၢတခါစုာ်စုာ်လၢတၢ်ရဲၣ်ကျဲၤပၢဆှၢအီၤအဂီၢ်လၢအဟဲခီဖျိတၢ်ဃုထၢအကမံးတံာ်မိၢ်ပှၢ်လၢနကြၢးဘၣ်၀ဲဒၣ်အဂီၢ်န့ၣ်လီၤ.(ကၠိအမံးတံာ်မိၢ်ပှၢ်တဖၣ်ဒီးမ့ၣ်အူအကီၢ်ရ့ၣ်ပှၤပၢဆှၢတၢ်အိၣ်ဒီးအ၀ဲသ့ၣ်အကစၢ်တၢ်ဃုထၢတဖၣ်လီၤ.အ၀ဲသ့ၣ်ညီနုၢ်မၤန့ၢ်လီၤစိၤတၢ်တထီၣ်ဟ့ၣ်တၢ်ဖးလၢနီၢ်ကစၢ်အစရီတဖၣ်လၢပအိၣ်လီၤ,သနာ်က့နကြၢးသမံသမိးတၢ်ဒီးအ၀ဲသ့ၣ်ဖဲနမ့ၢ်အဲၣ်ဒိးမၤလီၤတံၢ်နဒိးန့ၢ်ဘၣ်လံာ်တၢ်ဖးအက့လၢအ၀ဲသ့ၣ်အအိၣ်အခါန့ၣ်လီၤ.လံာ်တၢ်ဖးအက့တဖၣ်ညီနုၢ်တၢ်ဆှၢန့ၢ်ခီဖျိလံာ်ပရၢတၢးသၢနွံတချုးတၢ်ဃုထၢတခါန့ၣ်လီၤ.ဖဲနမ့ၢ်တဒိးန့ၢ်ဘၣ်လံာ်တၢ်ဖးအက့တခါခံနွံတချုးတၢ်ဃုထၢန့ၣ်,၀ံသးစူၤကိးပ၀ဲၤဒၢးဒီးပကဆှၢန့ၢ်နၤအသီတဘ့ၣ်လီၤ.
တၢ်တထီၣ်ဟ့ၣ်တၢ်ဖးလၢနီၢ်ကစၢ်အလံာ်တၢ်ဖးအက့တခါမ့ၢ်လံာ်ကဘျံးအလံာ်တၢ်ဖးအက့လၢအလီၤဂာ်ဒ်သိးလံာ်တၢ်ဖးလၢတၢ်သူအီၤလၢတၢ်ဟ့ၣ်တၢ်ဖးလၢစဲးဖီကဟၣ်အလိၤအဂီၢ်လီၤ.နကဘၣ်မၤနီၣ်နလံာ်တၢ်ဖးအက့ဆှဲဆှဲဃုာ်ဒီးထိၣ်ဒံးဘိမ့တမ့ၢ်စၢၢ်ဘိဒီးမၤလီၤတံၢ်လၢနတမၤနီၣ်တၢ်အဂၤနီတမံၤလၢအလိၤအဂီၢ်တက့ၢ်.ဖဲနမၤပှဲၤလီၤလံာ်တၢ်ဖးအက့မ့ၢ်၀ံၤအလီၢ်ခံန့ၣ်,ထၢနုာ်လီၤလၢလံာ်ဒၢလၢတၢ်ဟ့ၣ်ဃုာ်အပူၤ,ကးတံၢ်အီၤဒီးဆဲးလီၤမံၤဒီးမုၢ်နံၤလၢတၢ်အၢၣ်လီၤအီလီၤလၢအအိၣ်လၢလံာ်ဒၢအလီၢ်ခံတက့ၢ်. ဆှၢက့ၤအီၤခီဖျိလံာ်ပရၢတၢးမ့တမ့ၢ်လဲၤဆှၢတၢ်ဖးအလံာ်က့ဆူတၢ်ဃုထၢကမံးတံာ်မိၢ်ပှၢ်အအိၣ်တက့ၢ်. နတၢ်ဖးန့ၣ်ကဲတၢ်ခူသူၣ်လီၤ.
ပာ်သူၣ်ပာ်သးဘၣ်လၢမ့တမ့ၢ်ဘၣ်လၢတၢ်အၢၣ်လီၤအီလီၤန့ၣ်တၢ်ဆဲးလီၤစုပနီၣ်ဒီးလံာ်တၢ်ဖးအက့န့ၣ်တၢ်ဒုးစဲဘူးကးတံၢ်အီၤလၢလံာ်ဒၢလၢတၢ်ဟ့ၣ်ဃာ်အပူၤဘၣ်ဒီး,နလံာ်တၢ်ဖးအက့န့ၣ်တၢ်တဒွးဃုာ်အီၤဘၣ်.ဖဲလံာ်တၢ်ဖးအက့အံၤတၢ်မ့ၢ်ဆှၢက့ၤလီၤဒ်လံာ်ပရၢ,အကဘၣ်အိၣ်ဒီးလံာ်ပရၢတၢးအတၢ်ပနီၣ်လၢတဘၣ်စဲၤခံန့ၢ်ဒံးတၢ်ဃုထၢအနံၤဘၣ်န့ၣ်လီၤ.ဖဲလံာ်တၢ်ဖးအက့အံၤတၢ်မ့ၢ်ဟဲဆှၢအီၤလၢနီၢ်ကစၢ်ဆူတၢ်ဃုထၢအကမံးတံာ်အအိၣ်တခီတၢ်ကဘၣ်ဒိးန့ၢ်အီၤတစဲၤခံန့ၢ်ဒံးတၢ်ဃုထၢအနံၤတၢ်ဟ့ၣ်တၢ်ဖးအဆၢကတီၢ်တၢ်ကးတံၢ်ကွံာ်အီၤအခါဘၣ်န့ၣ်လီၤ.ပှၤတထီၣ်ဟ့ၣ်တၢ်ဖးလၢနီၢ်ကစၢ်အလံာ်တၢ်ဖးအက့တဖၣ်န့ၣ်တၢ်တဘၣ်လဲၤဆှၢအီၤဆူတၢ်ဟ့ၣ်တၢ်ဖးအလီၢ်တဖၣ်န့ၣ်ဘၣ်.
တစိၢ်တလီၢ်မ့တမ့ၢ်လီၤစိၤတၢ်တထီၣ်ဟ့ၣ်တၢ်ဖးလၢနီၢ်ကစၢ်လံာ်ပတံထီၣ်အတကွီၢ်ဒိတဖၣ်န့ၣ်တၢ်မၤန့ၢ်အီၤသ့၀ဲဒၣ်ဖဲပှာ်ဘျးစဲလၢထးတဖၣ်အပူၤ,မ့တမ့ၢ်တၢ်ဃုထၢအကမံးတံာ်မိၢ်ပှၢ်တဖၣ်အပူၤ 128 E. Buffalo Street, Ithaca, အိးထီၣ်ဂီၤ 8:30 နၣ်ရံၣ်တုၤဟါ 4:30 နၣ်ရံၣ် မုၢ်ဆၣ်တုၤမုၢ်ဖီဖးန့ၣ်လီၤ.ကိးဘၣ်ပှၤဖဲနမ့ၢ်အဲၣ်ဒိးပှၤလၢပကဆှၢန့ၢ်နၤဒီးလံာ်တကွီၢ်ဒိတဘ့ၣ်လၢ (607-274-5522)တက့ၢ်.
