County Services           How Do I?     

Privacy Practices for Protected Health Information (PHI) (တၢ်သဒံၣ်သဒၢအတၢ်ဖံးတၢ်မၤအကျိၤကျဲတဖၣ်လၢတၢ်အိၣ်ဆူၣ်အိၣ်ချ့အတၢ်ဂ့ၢ်တၢ်ကျိၤလၢတၢ်ဒီသဒၢဃာ်)


TCHD အံၤ တီၣ်ထီၣ်တ့ၢ်လံတၢ်ဒုးသ့ၣ်ညါတခါ လၢတၢ်ကပာ်ဖျါမ့ၢ်တၢ်အိၣ်ဆူၣ်အိၣ်ချ့အတၢ်ကွၢ်ထွဲကဟုကယာ်ဘၣ်ဃးဒီးနၤန့ၣ်ဘၣ်သ့ၣ်သ့ၣ်တၢ်ကသူအီၤဒီးထုးဖျါထီၣ်အီၤဒ်လဲၣ်,ဒီးမ့ၢ်နမၤန့ၢ်သူတၢ်ဂ့ၢ်တၢ်ကျိၤသ့ၣ်တဖၣ်အံၤကသ့လၢကျဲဒ်လဲၣ်န့ၣ်လီၤ. ၀ံသးစူၤကွၢ်ကသမံသမိးကဒါ တၢ်ဒုးသ့ၣ်ညါတခါအံၤ လီၤတံၢ်လီၤဆဲးတက့ၢ်


တၢ်ဒုးသ့ၣ်ညါအတၢ်ပညိၣ်တဖၣ်- Tompkins County တၢ်အိၣ်ဆူၣ်အိၣ်ချ့အ၀ဲၤကျိၤ (TCHD) အံၤဘၣ်လူၤပိာ်ထွဲတၢ်သိၣ်တၢ်သီအခံလၢတၢ်ကဘၣ်ပၢၤဃာ်တၢ်သဒံၣ်သဒၢလၢတၢ်အိၣ်ဆူၣ်အိၣ်ချ့အတၢ်ဂ့ၢ်တၢ်ကျိၤလၢတၢ်ပာ်အီၤဒ်တၢ်ခူၣ်သူၣ်တနီၤ,လၢတၢ်သ့ၣ်ညါအီၤဒ် Protected Health Information (PHI) (တၢ်ဂ့ၢ်တၢ်ကျိၤလၢတၢ်ဒီသဒၢအီၤ),ဒီးဟ့ၣ်နၤဒီးတၢ်ဒုးသ့ၣ်ညါတခါလၢအဘၣ်ဃးဒီးပသဲစးအမူအဒါတဖၣ်ဒီးတၢ်သဒံၣ်သဒၢအတၢ်ဖံးတၢ်မၤကျိၤကျဲတဖၣ်ဃုာ်ဒီးတၢ်ပာ်ကဲန PHI န့ၣ်လီၤ. TCHD အံၤတၢ်လိၣ်ဘၣ်အီၤလၢအကလူၤပိာ်မၤထွဲတၢ်ဘျၢလၢအအိၣ်လၢတၢ်ဒုးသ့ၣ်ညါတဖၣ်အံၤအပူၤလၢကတီၢ်အံၤအစိအမီၤအိၣ်ဒီးမၤတၢ်န့ၣ်လီၤ.

ပှၤမၤတၢ်ဖိခဲလၢာ်,တၢ်မၤဖိ,ကၠိဖိ,ပှၤမုာ်သးမၤကလီတၢ်တဖၣ်ဒီးပှၤအဂၤလၢအဖံးမၤတၢ်လၢအအိၣ်လၢTCHD အတၢ်ဟံးစုနဲၣ်ကျဲအဖီလာ်လိၤလိၤတဖၣ်ကဘၣ်လူၤပိာ်မၤထွဲ၀ဲဒၣ် တၢ်ဒုးသ့ၣ်ညါတခါအံၤလီၤ..
 

Notice Of Privacy Practices (တၢ်ဒုးသ့ၣ်ညါဘၣ်ဃးတၢ်သဒံၣ်သဒၢအတၢ်ဖံးတၢ်မၤအကျိၤကျဲတဖၣ်)

စးထီၣ်တုၤလီၤတီၤလီၤ-စဲးပထ့ဘၢၣ် 23, 2013

ထုးန့ၢ်တၢ်ဒုးသ့ၣ်ညါတခါအံၤ (PDF, 155KB)

ဆီၣ်လီၤဖဲအံၤလၢတၢ်ကဆဲးကျိး TCHD ဘၣ်ဃးအတၢ်သဒံၣ်သဒၢအတၢ်ဖံးတၢ်မၤအကျိၤကျဲတဖၣ်

 


ပှၤမၤန့ၢ်သူတၢ်မၤစၢၤအခွဲးအယာ်အတၢ်သိၣ်တၢ်သီ  ထုးန့ၢ် PDF တခါဖဲအံၤ


ပှၤမၤန့ၢ်သူတၢ်မၤစၢၤအခွဲးအယာ်အတၢ်သိၣ်တၢ်သီ

(ကသံၣ်ဒၢးဒီးတၢ်လဲၤအိၣ်သကိးဟံၣ်အတၢ်မၤစၢၤအတၢ်ဖံးတၢ်မၤတဖၣ်)

  • ဒိးန့ၢ်ဘၣ်တၢ်မၤစၢၤ(တဖၣ်)လၢတအိၣ်ဒီးတၢ်ကွၢ်၀ဲဒၣ်သးနံၣ်,ဒူၣ်ကလုာ်,ဖံးညၣ်အလွဲၢ်,ကလုာ်ဒူၣ်,သးနီၢ်ခိတလၢတပှဲၤတဆူၣ်တချ့,မုၣ်ခွါအက့ၢ်ပနီၣ်တဖၣ်မ့တမ့ၢ်တၢ်ပာ်ဖျါ,သွံၣ်ထံးအတၢ်တူၢ်ဘၣ်ပလၢၤဘၣ်,  တၢ်ဘူၣ်တၢ်ဘါ,တၢ်ထီၣ်ပှၢ်အတၢ်အိၣ်သး,သွံၣ်ထံး,သုးဖိလီၤလံၤအတၢ်အိၣ်သး,ထံကီၢ်အခီၣ်ထံးခီၣ်ဘိမ့တမ့ၢ်ပှၤဆီၣ်ထွဲမၤစၢၤတၢ်ဘၣ်န့ၣ်လီၤ,
  • ဘၣ်တၢ်ကူစါအီၤဃုာ်ဒီးတၢ်ဆိကမိၣ်န့ၢ်တၢ်လၢအဂီၢ်,တၢ်ပးကဲဒီးပှဲၤတၢ်လၤကပီၤလၢအပာ်ဃုာ်တၢ်အိၣ်သဒံၣ်သဒၢလၢတၢ်ကူစါယါဘျါအပူၤ,
  • ဘၣ်တၢ်ဒုးသ့ၣ်ညါအီၤဒီးခွဲးယာ်သ့ၣ်တဖၣ်အံၤ,ဒီးခွဲးယာ်လၢတၢ်ကသူ၀ဲဒၣ်ခွဲးယာ်သ့ၣ်တဖၣ်အံၤ,လၢလံာ်ကွဲးတချုးတၢ်ကွၢ်ထွဲကဟုကယာ်စးထီၣ်အခါ,ဒ်တၢ်အုၣ်သးလၢတၢ်ဟ့ၣ်ထီၣ်လၢလံာ်ကွဲးနီၣ်ကွဲးဃါလၢအအိၣ်လၢကသံၣ်ဒၢးအတၢ်မၤနီၣ်မၤဃါအပူၤန့ၣ်လီၤ. ဖဲပှၤမၤန့ၢ်သူတၢ်တဂၤမ့ၢ်အိၣ်ဒီးတၢ်သ့တၢ်ဘၣ်လၢအကသူ၀ဲဒၣ်တၢ်ခွဲးတၢ်ယာ်သ့ၣ်တဖၣ်အံၤအခါ, ခွဲးယာ်တဖၣ်အံၤကဘၣ်တၢ်သူအီၤခီဖျိပှၤတဂၤဂၤ,ပှၤကွၢ်ထွဲလုၢ်ဒိၣ်ထီၣ်တၢ်မ့တမ့ၢ်ကရၢလၢတၢ်ဟ့ၣ်စိဟ့ၣ်ကမီၤလၢအဖိးသဲစးလၢအကဲခၢၣ်စးလၢပှၤမၤန့ၢ်သူတၢ်အဂီၢ်တဖၣ်န့ၣ်လီၤ,
  • ဘၣ်တၢ်ဒုးသ့ၣ်ညါအီၤဒီးတၢ်မၤစၢၤအတၢ်ဖံးတၢ်မၤလၢတၢ်ကရၢကရိဟ့ၣ်ထီၣ်တဖၣ်,မ့ၢ်တၢ်မၤစၢၤတဖၣ်တၢ်ကဟ့ၣ်အီၤလၢအခါဖဲလဲၣ်ဒီးလၢကျဲဒ်လဲၣ်,ဒီးပှၤတဂၤဒီးကရၢလၢအဘၣ်ထွဲဘၣ်ဃးလၢအဟ့ၣ်တၢ်ကွၢ်ထွဲဒီးတၢ်မၤစၢၤအက့ၢ်အဂီၤတဖၣ်ဒီးအမံၤန့ၣ်လီၤ.
  • ဘၣ်တၢ်ဟ့ၣ်ကူၣ်အီၤတချုးတၢ်ကွၢ်ထွဲကဟုကယာ်န့ၣ်စးထီၣ်အသးမ့ၢ်လၢတၢ်ကဘၣ်ဟ့ၣ်အလဲဆူကရၢလၢအဟ့ၣ်တၢ်မၤစၢၤတဖၣ်န့ၣ်တၢ်မုၢ်လၢ်ပာ်လၢပှၤသၢဖုတဖုကဟ့ၣ်လီၤန့ၢ်အပှ့ၤဒီးဖဲတၢ်အိၣ်သးလၢတၢ်အလဲန့ၣ်ပှၤလၢအမၤန့ၢ်တၢ်မၤစၢၤကဘၣ်ဟ့ၣ်,ဒီးန့ၢ်ဘၣ်တၢ်ဟ့ၣ်ကူၣ်ဘၣ်ဃးတၢ်ဆီတလဲတမံၤလၢ်လၢ်လၢအမ့ၢ်တၢ်ဟ့ၣ်အလဲအတၢ်ဂ့ၢ်တၢ်ကျိၤလၢထးခိၣ်မ့တမ့ၢ်လၢလံာ်ကွဲးလၢတစဲၤခံဒိၣ်န့ၢ် 30 သီစးထီၣ်မုၢ်နံၤလၢပကရၢစးထီၣ်သ့ၣ်ညါ၀ဲဒၣ်တၢ်ဆီတလဲသ့ၣ်တဖၣ်အခါန့ၣ်လီၤ,
  • ဘၣ်ဒုးသ့ၣ်ညါအီၤဒီးတၢ်ဟ့ၣ်လီၤမၤစၢၤလၢဂ့ၢ်ဂီၢ်အူတၢ်အိၣ်သးလၢတမ့ၢ်ညီနုၢ်တၢ်ဖံးတၢ်မၤအဆၢကတီၢ်တဖၣ်အဂီၢ်န့ၣ်လီၤ,
  • ပာ်ဃုာ်ပာ်ဂီၢ်လၢတၢ်ရဲၣ်ကျဲၤလီၤအနီၢ်ကစၢ်အတၢ်ကွၢ်ထွဲဒီးဘၣ်တၢ်ဒုးသ့ၣ်ညါအီၤလၢညါဃုာ်ဒီးတၢ်ဆီတလဲအသးတမံၤလၢ်လၢ်လၢတၢ်ကရဲၣ်ကျဲၤတၢ်ကွၢ်ထွဲကဟုကယာ်အဂီၢ်န့ၣ်လီၤ,
  • မၤန့ၢ်ကတီၢ်အံၤတၢ်ဂ့ၢ်တၢ်ကျိၤဘၣ်ထွဲဒီးအတၢ်ဂ့ၢ်လၢတၢ်ထံၣ်န့ၢ်အီၤတဖၣ်,တၢ်ကူစါဒီးတၢ်လၢအကဲထီၣ်အသးသ့အလၢအပှဲၤလၢကျိာ်လၢပှၤမၤန့ၢ်သူတၢ်မၤစၢၤတၢ်မုၢ်လၢ်ပာ်အီၤလၢအနၢ်ပၢၢ်၀ဲဒၣ်သ့န့ၣ်လီၤ,
  • မၢတၢ်ကွၢ်ထွဲကဟုကယာ်ဒီးတၢ်ကူစါဖဲမၤန့ၢ်တၢ်သ့ၣ်ညါအလၢအပှဲၤလၢအဘၣ်ဃးဒီးဒီးတၢ်နၢ်ပၢၢ်၀ဲဒၣ်အမၤတၢ်ဒ်အံၤအဃိတၢ်ပိာ်ထွဲထီၣ်အခံတဖၣ်,သမၢတၢ်ကပာ်ဃုာ်ပာ်ဂီၢ်လၢတၢ်ဃုသ့ၣ်ညါမၤလိလၢတၢ်မၤကွၢ်အဂီၢ်တဖၣ်အပူၤ,
  • ထုးဖျါထီၣ်တၢ်ကဒူးကဒ့ၣ်တဖၣ်ဒီးဟ့ၣ်ကူၣ်တၢ်ဆီတလဲလၢဖီလစံၣ်ဒီးတၢ်မၤစၢၤအတၢ်ဖံးတၢ်မၤတဖၣ်ဆူ Community Health Services Supervisor (ပှၤတ၀ၢတၢ်အိၣ်ဆူၣ်အိၣ်ချ့အတၢ်မၤစၢၤအပှၤဟံးစုနဲၣ်ကျဲတၢ်လၢအအိၣ်ဖဲ(607) 274-6604မ့တမ့ၢ် Director of Community Health (ပှၤတ၀ၢတၢ်အိၣ်ဆူၣ်အိၣ်ချ့အပှၤနဲၣ်တၢ်) ဖဲ (607) 274-6614, New York State Department of Health (နူးယီးကီၢ်စဲၣ်တၢ်အိၣ်ဆူၣ်အိၣ်ချ့အ၀ဲၤချ့မ့တမ့ၢ်ခၢၣ်စးလၢတၢ်ချၢတဂၤလၢ်လၢ်လၢနအဲၣ်ဒိးဘၣ်သးအီၤန့ၣ်လီၤ. တၢ်ထုးဖျါထီၣ်တၢ်ကဒူးကဒ့ၣ်ဒ်သိးန့ၣ်တဖၣ်လၢအဘၣ်တၢ်မၤအီၤခီဖျိနၤမ့တမ့ၢ်နခၢၣ်စးလၢနဃုထၢအီၤန့ၣ်ကဘၣ်ပူၤဖျဲးဒီးတၢ်မၤတံာ်တာ်,တၢ်မၤနၢၤမၤဃၣ်,တၢ်ကွၢ်တလီၤမ့တမ့ၢ်တၢ်မၤကၣ်က့ၤအီၤ,
  • တီၣ်ထီၣ်တၢ်ကဒူးကဒ့ၣ်ဘၣ်ဃးတၢ်ကွၢ်ထွဲကဟုကယာ်ဒီးတၢ်မၤစၢၤအတၢ်ဖံးတၢ်မၤလၢတၢ်ဟ့ၣ်ထီၣ်အီၤမ့တမ့ၢ်တၢ်လၢတၢ်တဟ့ၣ်အီၤဒီးတၢ်ကဒူးကဒ့ၣ်လၢအဘၣ်ထွဲဒီးတၢ်တပာ်ကဲတၢ်စုလီၢ်ခီၣ်ခိၣ်လၢအဘၣ်ထွဲဒီးပှၤတဂၤဂၤလၢအမၤန့ၢ်တၢ်လၢပလီၢ်, ကဘၣ်သ့ၣ်ညါတၢ်ဂ့ၢ်ဘၣ်ဃးကျိၤကွာ်လၢတၢ်ကဘၣ်တီၣ်ထီၣ်တၢ်ကဒူးကဒ့ၣ်ဒ်လဲၣ်,ဒီးကဘၣ်ပျဲပှၤလၢတၢ်ကဃိထံသ့ၣ်ညါတၢ်ကဒူးကဒ့ၣ်ဒ်သိးန့ၣ်လၢအအိၣ်လိၤလိၤဒီး NYCRR အတၢ်ဟ့ၣ်လီၤမၤစၢၤတၢ်အကျိၤအကျဲအခိၣ်တီ 10 အကူာ် 766.9 န့ၣ်လီၤ. ပအိၣ်ဒီးမူဒါလၢတၢ်ကဒုးသ့ၣ်ညါနၤမ့တမ့ၢ်နခၢၣ်စးလၢဖဲနမ့ၢ်တအိၣ်ဒီးတၢ်သူၣ်မံသးမုာ်လၢပတၢ်ခီဆၢအခါ,နအိၣ်ဒီးခွဲးယာ်လၢတၢ်ကကညးထီၣ်ပတၢ်ခီဆၢဒီးနထုးဖျါတၢ်ကဒူးကဒ့ၣ်တဖၣ်လိၤလိၤဆူ New York State Department of Health Patient Hotline (နူယီးကီၢ်စဲၣ်တၢ်အိၣ်ဆူၣ်အိၣ်ချ့အ၀ဲၤကျိၤပှၤဆါအဂ့ၢ်ဂီၢ်အူလီကျိၤ)ဖဲ (800) 628-5972,
  • တၢ်သဒံၣ်သဒၢ,ပာ်ဃုာ်တၢ်ကူစါတၢ်လၢပာ်ပှၤဆါအတၢ်ဂ့ၢ်လၢတၢ်ကွဲးနီၣ်ပာ်တဖၣ်ပှဲၤတၢ်ခူၣ်သူၣ်,ဒီးသမၢတၢ်ပျဲလီၤတၢ်မၤနီၣ်မၤဃါတဖၣ်ဆူပှၤတဂၤလၢ်လၢ်လၢအအိၣ်လၢကရၢအချၢထဲဒၣ်တၢ်အိၣ်သးတခါလၢပှၤမၤန့ၢ်သူတၢ်မၤစၢၤန့ၣ်တၢ်ဆှၢဃီၤအီၤဆူတၢ်အိၣ်ဆူၣ်အိၣ်ချ့အတၢ်ကွၢ်ထွဲအလီၢ်အကျဲ,မ့တမ့ၢ်ဒ်တၢ်သိၣ်တၢ်သီအတၢ်လိၣ်ဘၣ်အသိးမ့တမ့ၢ်တၢ်လိၣ်ဘၣ်လၢအအိၣ်ဒီးပှၤသၢဖုတဖုဟ့ၣ်တၢ်အလဲအလံာ်ဃံးဃာ်အိၣ်အသိးန့ၣ်လီၤ,
  • မၤန့ၢ်သူနကသံၣ်ကသီအတၢ်ကွဲးနီၣ်ကွဲးဃါလၢအအိၣ်လိၤလိၤဒီးတၢ်ဟ့ၣ်လီၤတၢ်မၤစၢၤအကျိၤအကျဲလၢအဘၣ်ထွဲဒီးတၢ်နီၤဖး 18 Public Health Law (ကမျၢၢ်အတၢ်အိၣ်ဆူၣ်အိၣ်ချ့အတၢ်သိၣ်တၢ်သီ), အဒ့ဖိ 50-3 လၢအဘၣ်ထွဲဒီး 751.9 (o) န့ၣ်လီၤ.
  • ဒိးန့ၢ်ဘၣ် တၢ်ဂ့ၢ်တၢ်ကျိၤဘၣ်ဃးဒီးတၢ်နဲၣ်လီၤလၢအဆိတဖၣ်ဒီးတၢ်ဒုးသ့ၣ်ညါလၢတလိၣ်ဟ့ၣ်အပှ့ၤဘၣ်န့ၣ်လီၤ. ပပှၤမၤတၢ်ဖိန့ၣ်အိၣ်၀ဲဒၣ်လၢတၢ်ကစံးဆၢတၢ်သံကွၢ်တဖၣ်လၢအကအိၣ်ဒီးနၤမ့တမ့ၢ်နကိး၀ဲဒၣ် (607) 274-6604 ဖဲတၢ်ဖံးတၢ်မၤအနၣ်ရံၣ်တဖၣ်န့ၣ်သ့လီၤ.

တုၤလီၤတီၤလီၤဖဲအီးကထိဘၢၣ် 2015