COVID19 တၢ်ဒီသဒၢအတၢ်ထိၣ်တၢ်ဒွးတဖၣ်

ဘၣ်မနုၤသူနီၣ်ကျၢၢ်ဘၢမဲာ်တဘ့ၣ်လဲၣ်

• နီၣ်ကျၢၢ်ဘၢမဲာ်တဘ့ၣ်မ့ၢ်ပီးလီအကါဒိၣ်ကတၢၢ်အကျါတခါလၢအမၤကဘှၢလီၤဘဲရၢး(စ)အဃၢ်အတၢ်ရၤလီၤအသးန့ၣ်လီၤ.
• ဘဲရၢး(စ)အဃၢ်ရၤလီၤအသးအခိၣ်သ့ၣ်လၢပှၤတဂၤဆူအဂၤတဂၤခီဖျိတၢ်ကသါထီၣ်ကသါလီၤအထံဖျၢၣ်ပြံကဒံဒီးထံနိအဖျၢၣ်လၢအဟဲထီၣ်ဖဲပှၤလၢအအိၣ်ဒီးတၢ်ဆါအဃၢ်ကူး,ကဆဲး,ကတိၤတၢ်မ့တမ့ၢ်မၤဒိၣ်ထီၣ်အကလုၢ်အခါန့ၣ်လီၤ. တၢ်ကတိၤတၢ်ဒိၣ်ဒိၣ်,တၢ်ကိးပသူဒီးတၢ်သး၀ံၣ်တၢ်န့ၣ်မၤအါထီၣ်ဘဲရၢး(စ)အတၢ်ရၤလီၤသးအတၢ်ဒ့ၣ်စၢၤဆူညါသ့လီၤ. တၢ်ဖျီၣ်နီၣ်ကျၢၢ်ဘၢမဲာ်န့ၣ်မၤစှၤလီၤတၢ်ကဲထီၣ်သးတခါအံၤသ့လီၤ. (CDC)
• လၢတၢ်သူၣ်ထီၣ်အဒွဲပူၤတၢ်ဆီလီၤအသးတခါလၢ်လၢ်အဂီၢ်,ပှၤကိးဂၤဒဲးလၢအဖျီၣ်နီၣ်ကျၢၢ်ဘၢမဲာ်တခါဟ့ၣ်မၤစၢၤတၢ်ဆူတၢ်မၤစှၤလီၤ COVID-19 အတၢ်ရၤလီၤအသးခီဖျိတၢ်မၤစှၤလီၤကလံၤကျါဘဲရၢး(စ)အတၢ်ရၤလီၤအတၢ်အိၣ်သးဆူညါသ့လီၤ.
• တၢ်မၤလိမၤဒိးခီဖျိ CDC ဟ့ၣ်ကူၣ်၀ဲဒၣ်လၢတၢ်တဖျီၣ်နီၣ်ကျၢၢ်ဘၢမဲာ်တခါဘၣ်သ့ၣ်သ့ၣ်ကမၤအါထီၣ်တၢ်လီၤပျံၤလၢပှၤလၢအအိၣ်ဒီးတၢ်ဆါအဃၢ်တဂၤကရၤလီၤဘၣ်ဘဲရၢး(စ)အဃၢ်(1), ဒီးပှၤလၢအအိၣ်ဘူးဒီးအီၤတဖၣ်ကဘၣ်ကူဘၣ်ဂာ်ဒီးတၢ်ဆါအဃၢ်န့ၣ်လီၤ (2).

နီၣ်ကျၢၢ်ဘၢမဲာ်လၢတၢ်တူၢ်လိာ်အီၤသ့မ့ၢ်မနုၤလဲၣ်

• နီၣ်ကျၢၢ်ဘၢမဲာ်တခါကဘၣ်အိၣ်ဒီးထးအဘိဆံးလၢကမၤတံၢ်နါစ့ၤဒီးကျၢၢ်ဘၢနနါစ့ၤ,ကိာ်ပူၤဒီးခၣ်ဂ့ၤဂ့ၤန့ၣ်လီၤ.
• N95 ဒီး KN95 အနီၣ်ကျၢၢ်ဘၢမဲာ်တဖၣ် (တၢ်သါထီၣ်ကသါလီၤအဂီၢ်) ဟ့ၣ်တၢ်ဒီသဒၢအဂ့ၤကတၢၢ်ဒီးအိၣ်၀ဲဒၣ်အါအါဂီၢ်ဂီၢ်လီၤ. ပီးလီသ့ၣ်တဖၣ်အံၤတၢ်တလိၣ်ပာ်ဃာ်အီၤလၢတၢ်အိၣ်ဆူၣ်အိၣ်ချ့အပှၤမၤတၢ်ဖိတဖၣ်ဒီးပှၤဟ့ၣ်ဆိတၢ်ကူစါယါဘျါတဖၣ်အဂီၢ်လၢၤဘၣ်.
• တၢ်ကူးကွဲးအဂီၢ်နီၣ်ကျၢၢ်ဘၢမဲာ်ဒီးတၢ်ကံးညာ်အနီၣ်ကျၢၢ်ဘၢမဲာ်တဖၣ်န့ၣ်တတုၤထီၣ်ထီၣ်ဘးလၢအတၢ်ဒီသဒၢထီဒါ Omicron အဃၢ်အဂီၢ်ဘၣ်.
• CDC တၢ်ဂီၤဒုးနဲၣ်နီၣ်ကျၢၢ်ဘၢမဲာ်အကလုာ်လီၤဆီလိာ်အသးတဖၣ် အတၢ်တုၤထီၣ်ထီၣ်ဘးန့ၣ်လီၤ.

ဘၣ်ဃးဒီး KN95 အနီၣ်ကျၢၢ်ဘၢမဲာ်တဖၣ်

• KN95 ဒီး N95 နီၣ်ကျၢၢ်ဘၢမဲာ်(တၢ်ကသါထီၣ်ကသါလီၤအဂီၢ်)သူ၀ဲဒၣ်ပီးလီလၢတၢ်တထါဃုာ်အီၤလၢအကဘျၣ်အိၣ်တဘျုးကဘျၣ်လၢအဖီၣ်ဃာ်ဘဲရၢး(စ)အကမူၣ်ကဖ့တဖၣ်ဒီးတၢ်ဘၣ်အၢဘၣ်သီလၢအအိၣ်လၢကလံၤကျါသ့တဖၣ်န့ၣ်လီၤ.
• ဖဲမ့ၢ်ဘၣ်လိာ်သးဒီးတၢ်မ့ၢ်ဖျီၣ်အီၤဘၣ်ဘၣ်န့ၣ် KN95 နီၣ်ကျၢၢ်ဘၢမဲာ်ပှံၢ်ထုးထီၣ်ကွံာ် တၢ်မူအကမူၣ်ဆံးဆံးဖိတဖၣ်န့ၢ်တုၤ 95% န့ၣ်လီၤ. နီၣ်ကျၢၢ်ဘၢမဲာ်ကြၢးဘၣ်လိာ်အသးဒီးနမဲာ်ဂ့ၤဂ့ၤန့ၣ်လီၤ. သမံသမိးဘၣ်တၢ်လီၤဟိခီဖျိတၢ်ပလၢၤကွၢ်နီၣ်ကျၢၢ်ဘၢမဲာ်အကနူၤဒီးနစုခံခီတက့ၢ်. 
• ပလီၢ်သးထီဒါ KN95s ဒီးတၢ်ကသါထီၣ်ကသါလီၤအဂီၢ်ပီးလီလၢအဂၤလၢအကဲတၢ်အယီၢ်အဘျၣ်တဖၣ်တက့ၢ်. လဲၤဘၣ်ဆူကဘျံးပၤတခါအံၤလၢအအိၣ်လၢ CDC အပှာ်ယဲၤသန့လၢ လၢတၢ်ဂ့ၢ်တၢ်ကျိၤဆူညါအဂီၢ်တက့ၢ်.
• မ့ၢ်တၢ်ကမၤန့ၢ် KN95 အနီၣ်ကျၢၢ်ဘၢမဲာ်လၢ Tompkins Countyတၢ်အိၣ်ဆူၣ်အိၣ်ချ့အ၀ဲၤကျိၤဟ့ၣ်ကလီအီၤန့ၣ်လၢတၢ်လီၢ်ဖဲလဲၣ်.
• ကွၢ်ဘၣ်တၢ်ဂီၤမူတခါအံၤလၢအဘၣ်ဃးဒီးမ့ၢ်တၢ်ကဖျီၣ် KN95 လၢအကဘၣ်လိာ်အသးအဂီၢ်ဒ်လဲၣ်.
• တၢ်ကျိးထံပာ်တဖၣ်-ကွၢ်ဃုဘၣ်ပ  KN95 အနီၣ်ကျၢၢ်ဘၢမဲာ်အတၢ်ဂ့ၢ်တၢ်ကျိၤအကးလၢတၢ်စဲးကျံးထုးထီၣ်အီၤလၢကျိာ် 7 ကျိာ်တဖၣ် (PDFs)အဂီၢ်တက့ၢ်.

တၢ်တူၢ်လိာ်အီၤတသ့ဘၣ်

• တၢ်ဒီမဲာ်တဖၣ်န့ၣ်တၢ်တူၢ်လိာ်အီၤဒ်တၢ်ကျၢၢ်ဘၢမဲာ်တခါအသိးန့ၣ်တသ့ဘၣ်. မၤနီၣ်တၢ်ဒီမဲာ်တဖၣ်န့ၣ်တၢ်သူအီၤဃုာ်ဒီးနီၣ်ကျၢၢ်ဘၢမဲာ်တခါသ့လီၤ.
• နီၣ်ကျၢၢ်ဘၢမဲာ်လၢအအိၣ်ဒီးအပျံၤတဘိလၢအကမၤစၢၤတၢ်ကသါဟးထီၣ်န့ၣ်တၢ်တတူၢ်လိာ်အီၤဘၣ်
• တၢ်ဂိၢ်ခါအခိၣ်ဖၢၣ်,နီၣ်ကျၢၢ်ဘၢမဲာ်လၢတၢ်ဒိးစကံအဂီၢ်ဒီးတၢ်ကံးညာ်ဘိၣ်ကိာ်ဘိန့ၣ်တကြၢးတဘၣ်၀ဲဒၣ်ဒ်နီၣ်ကျၢၢ်ဘၢမဲာ်န့ၣ်ဘၣ်.

ဂံၢ်ထံး- MMWR

မ့ၢ်တၢ်ကသူနီၣ်ကျၢၢ်ဘၢမဲာ်လၢအခါဖဲလဲၣ်ဒီးလၢတၢ်လီၢ်ဖဲလဲၣ်

• ပှၤကိးဂၤဒဲးလၢအဆဲးဒီသဒၢအသးမ့ၢ်ဂ့ၤဒီးတဆဲးဒီသဒၢအသးမ့ၢ်ဂ့ၤ
  • တၢ်လီၢ်ဖဲ ပှၤတ၀ၢအပတီၢ် ဖဲအဘၣ်ဒးဒီးအါအလီၢ်တဖၣ်န့ၣ်,မ့တမ့ၢ်ဒ်လီၢ်က၀ီၤတၢ်အိၣ်ဆူၣ်အိၣ်ချ့အပှၤဟ့ၣ်ကူၣ်တၢ်ဆၢတဲာ်အသိး,ဖျီၣ်ဘၣ်နီၣ်ကျၢၢ်ဘၢမဲာ်တခါလၢကမျၢၢ်အတၢ်သူၣ်ထီၣ်ခဲလၢာ်အပူၤတက့ၢ်.
  • ဖဲ တၢ်အိၣ်လီၤဖျီၣ် ဒီး တၢ်အိၣ်လီၤဖျီၣ်ကွၢ်ဟုၣ်တၢ်ဆါအဆၢကတီၢ်န့ၣ်လီၤ.
  • ဆိကမိၣ်ထီၣ်တၢ်ကဖျီၣ်နီၣ်ကျၢၢ်ဘၢမဲာ်တဘ့ၣ်လၢတၢ်သူၣ်ထီၣ်အလီၢ်အကျဲလၢတဘၣ်ထွဲဒီးကမျၢၢ်တဖၣ်,ပာ်ဃုာ်ပှၤအဂၤအဟံၣ်,အခါဖဲပှၤဘၣ်တၢ်ဆါအါထီၣ်မ့ၢ်လၢတၢ်ဆါအဃၢ်အကလုာ်သီရၤလီၤအသး,လီၤဆီဒၣ်တၢ်ဖဲနၤမ့တမ့ၢ်ပှၤအဂၤတဖၣ်အိၣ်လၢတၢ်လီၤပျံၤအလီၢ်လၢတၢ်ဆူးတၢ်ဆါအနးအကျံၤအခါန့ၣ်လီၤ.
• ပှၤတဂၤလၢ်လၢ်လၢအတဆဲးဒီသဒၢအသးန့ၣ်တၢ်မုၢ်လၢ်လၢအဖျီၣ်နီၣ်ကျၢၢ်ဘၢမဲာ်တခါလၢတၢ်အိၣ်သးဒ်သိးအံၤတဖၣ်အပူၤန့ၣ်လီၤ.
  • လၢတၢ်သူၣ်ထီၣ်အဒွဲပူၤခဲလၢာ်-လၢကမျၢၢ်အလီၢ်အကျဲတၢ်သူၣ်ထီၣ်အပူၤခဲလၢာ်,ဖဲအိၣ်ဘူးဒီးပှၤအဂၤလၢအဆဲးဒီသဒၢအသးမ့ၢ်ဂ့ၤတဆဲးဒီသဒၢအသးမ့ၢ်ဂ့ၤအခါန့ၣ်လီၤ
  • တၢ်သူၣ်ထီၣ်အချၢ-တၢ်ဆီလီၤပာ်လီၤလၢပှၤကညီအိၣ်အါဖဲနမုၢ်လၢ်ပာ်မ့တမ့ၢ်ဟးဆှဲးတၢ်အိၣ်ဘူးဘၣ်ဒီးပှၤအဂၤတသ့အခါ,ပာ်ဃုာ်ကမျၢၢ်အမူးတဖၣ်(မူးမ့တမ့ၢ်မူးပွဲတဖၣ်)ဒီးပၣ်တံၣ်အမူးလၢဘၣ်ထွဲဒီးပှၤတဖုတဂၤ(တၢ်ဖျီအမူးတဖၣ်)န့ၣ်လီၤ.
  • ဖဲမ့ၢ်အိၣ်ဘူးဘၣ်မ့တမ့ၢ်အိၣ်လၢဒၢးတဖျၢၣ်ဃီအပူၤဃုာ်ဒီးနီၢ်တဂၤစုာ်စုာ်လၢအအိၣ်ဒီးတၢ်လီၤပျံၤတဖၣ်(ပှၤလၢအဂံၢ်တြီဆၢတၢ်ဆါအသနူစှၤမ့တမ့ၢ်အိၣ်ဒီးတၢ်ဆူးတၢ်ဆါအယံာ်အထၢတဖၣ်)အခါန့ၣ်လီၤ.
• ပှၤလၢအဆဲးဒီသဒၢအသးတဖၣ်တၢ်ဟ့ၣ်ကူၣ်အီၤလၢကဖျီၣ်နီၣ်ကျၢၢ်ဘၢမဲာ်တဘ့ၣ်လီၤ
  • ဖဲတၢ်အိၣ်လီၤဖျီၣ်ဒီးတၢ်အိၣ်လီၤဖျီၣ်ကွၢ်ဟုၣ်တၢ်ဆါအဆၢကတီၢ်
  • ဖဲနမ့မ့ၢ်ပှၤလၢအအိၣ်ဒီးဂံၢ်တြီဆၢတၢ်ဆါအသနူလၢအစၢ်န့ၣ်တၢ်ဟ့ၣ်ကူၣ်နၤလၢနကဖျီၣ်နီၣ်ကျၢၢ်ဘၢမဲာ်တဘ့ၣ်ဖဲအိၣ်လၢကမျၢၢ်အတၢ်သူၣ်ထီၣ်ဆီလီၤအဒွဲပူၤဒီးတၢ်လီၢ်လၢတၢ်ချၢလၢတၢ်ကတံာ်ကတူးဖဲတၢ်အိၣ်ဘူးထိးဘၣ်န့ၣ်ကအိၣ်၀ဲဒၣ်မ့တမ့ၢ်တၢ်ဟးဆှဲးအီၤမ့ၢ်တသ့ဘၣ်အခါန့ၣ်လီၤ.
  • လၢတၢ်လီၢ်တဖၣ်ဖဲ ပှၤတ၀ၢအပတီၢ် န့ၣ်မ့ၢ်၀ဲဒၣ်ဘၣ်ဒးမ့တမ့ၢ်ထီခံခါတခါခါန့ၣ်,ဒ်တၢ်ဟ့ၣ်ပလီၢ်ဃာ်လၢအအိၣ်လၢထးလၢပှၤကိးဂၤဒဲးအဂီၢ်အသိးန့ၣ်လီၤ.
• ဖဲတၢ်မၤကစၢ်တဂၤလိၣ်ဘၣ်၀ဲမ့တမ့ၢ်ဟ့ၣ်ကူၣ်၀ဲဒၣ်အသိးန့ၣ်လီၤ.
• ဖဲတၢ်လိၣ်ဘၣ်မ့တမ့ၢ်တၢ်ဟ့ၣ်ကူၣ်အီၤလၢတၢ်ကဖျီၣ်အီၤဖဲကမျၢၢ်တၢ်တီထီၣ်ဆှၢလီၤအလိၤဒီးအိၣ်လၢကမျၢၢ်တၢ်လဲၤက့ၤတၢ်အတၢ်အိၣ်ခိးတၢ်အလီၢ်,တၢ်ဆါလဲးမး,ဒီးတၢ်လီၢ်အဂၤလၢအဒွဲပူၤတဖၣ်လၢအဘၣ်ထွဲဒီးတၢ်သူကမျၢၢ်အတၢ်တီထီၣ်ဆှၢလီၤတၢ်တဖၣ်အခါန့ၣ်လီၤ.

မ့ၢ်တၢ်ကသူနီၣ်ကျၢၢ်ဘၢမဲာ်ဒ်လဲၣ်တခါလဲၣ်

တၢ်ကသါထီၣ်ကသါလီၤအဂီၢ် (KN95 မ့တမ့ၢ် N95) န့ၣ်အိၣ်ဒီးတၢ်ပှံၢ်တၢ်လၢအဂ့ၤဒိၣ်ထီၣ်,ဒီးဖဲတၢ်မ့ၢ်ဖျီၣ်အီၤဘၣ်ဘၣ်ဖဲတၢ်သူအီၤဒီတကတီၢ်ညါန့ၣ်,ဟ့ၣ်တၢ်ဒီသဒၢအပတီၢ်လၢအထီသ့ဒိၣ်န့ၢ်ဒံးနီၣ်ကျၢၢ်ဘၢမဲာ်လၢတၢ်ဘှီအီၤဒီးတၢ်ကံးညာ်မ့တမ့ၢ်တၢ်သူအီၤလၢတၢ်ကူးကွဲးတၢ်အခါအဂီၢ်ဒံးန့ၣ်လီၤ. နီၣ်ကျၢၢ်ဘၢမဲာ်တဘ့ၣ်မ့တမ့ၢ်တၢ်ကသါထီၣ်ကသါလီၤအဂီၢ်တခါအတၢ်တုၤလီၤတီၤလီၤကစှၤလီၤဖဲတၢ်တဖျီၣ်ဃာ်အီၤဂ့ၤဂ့ၤမ့တမ့ၢ်ဖဲနမ့ၢ်ဖျီၣ်အီၤတမူာ်တနီၢ်မ့တမ့ၢ်ဘ့ၣ်လီၤအီၤခဲအံၤခဲအံၤအခါန့ၣ်လီၤ. နီၢ်တဂၤစုာ်စုာ်အကဆိကမိၣ်ထီၣ်တၢ်အိၣ်သးဒီးတၢ်ဂ့ၢ်လၢအဂၤတဖၣ်ဖဲဃုထၢနီၣ်ကျၢၢ်ဘၢမဲာ်တဘ့ၣ်မ့တမ့ၢ်တၢ်ကသါထီၣ်ကသါလီၤတၢ်အဂီၢ်လၢအဟ့ၣ်တၢ်ဒီသဒၢလၢအဂ့ၤဒိၣ်ထီၣ်န့ၣ်လီၤ. (CDC)

• ဖဲကွၢ်ထွဲကဟုကယာ်ပှၤတဂၤလၢအဆူးဆါထီၣ်ဒီး COVID-19 အခါ
• ဖဲနမ့မ့ၢ်၀ဲဒၣ် ပှၤတဂၤလၢအအိၣ်ဒီးတၢ်လီၤပျံၤအါထီၣ်လၢတၢ်ကဆူးဆါထီၣ်နးနးကလဲာ်အဂီၢ်အခါ,အဒိန့ၣ်, ပှၤလၢအဂံၢ်တြီဆၢတၢ်ဆါအသနူစၢ်,သးပှၢ်အသးနံၣ်ဒိၣ်တဖၣ်,ဒီးပှၤလၢအအိၣ်ဒီးတၢ်ဆူးတၢ်ဆါအတၢ်အိၣ်သးလၢအနးလီၤလီၤဆီဆီတနီၤန့ၣ်လီၤ.
• ဖဲဖံးမၤတၢ်လၢတၢ်မၤတခါလၢအအိၣ်ဒီးတၢ်ဘၣ်ထံၣ်လိာ်သးဒီးကမျၢၢ်လၢအနီၢ်ဂံၢ်နီၢ်ဒွးအါ,လီၤဆီဒၣ်တၢ်ဖဲပှၤကိးဂၤဒဲးမ့ၢ်တဖျီၣ်နီၣ်ကျၢၢ်ဘၢမဲာ်အခါန့ၣ်လီၤ. အဒိန့ၣ်,ပှၤနီၣ်သိလ့ၣ်ပဒၢးဒီးပှၤဆါတၢ်လၢတၢ်အီၣ်တၢ်အီဒီးတၢ်သူတၢ်စွဲအကျးတဖၣ်န့ၣ်လီၤ.
• ဖဲအိၣ်လၢကဘီယူၤ,သိလ့ၣ်ပဒၢး,လ့ၣ်မ့ၣ်အူမ့တမ့ၢ်ကမျၢၢ်တၢ်တီထီၣ်ဆှၢလီၤလၢအဂၤတဖၣ်အလိၤ,လီၤဆီဒၣ်တၢ်ဖဲတၢ်ဆၢကတီၢ်ယံာ်ယံာ်ထၢထၢလၢအိၣ်ဒီးပှၤအါဒံအါဂၤရဲၣ်လီၤအသးအခါန့ၣ်လီၤ.
• ဖဲနီၢ်ခိအတၢ်အိၣ်စီၤစုၤန့ၣ်တၢ်မၤအီၤတသ့မ့တမ့ၢ်နမ့ၢ်အိၣ်လၢပှၤအိၣ်အါကတံာ်ကတူးတၢ်သူၣ်ထီၣ်အဒွဲပူၤမ့တမ့ၢ်တၢ်သူၣ်ထီၣ်အချလၢကမျၢၢ်အတၢ်ဆီလီၤပာ်လီၤတဖၣ်အပူၤအခါန့ၣ်လီၤ.
• ဖဲနမ့ၢ်တအိၣ်ဆိးချုးခံလိာ်သဒီး COVID-19 အကသံၣ်ဒီသဒၢတဖၣ်အခါန့ၣ်လီၤ.

တၢ်ဂ့ၢ်ဒိးသန့ၤတဖၣ်

• CDC တၢ်နဲၣ်လီၤလၢနီၣ်ကျၢၢ်ဘၢမဲာ်အဂီၢ်
• CDC နီၣ်ကျၢၢ်ဘၢမဲာ်အကလုာ်တဖၣ်ဒီးတၢ်ကသါထီၣ်ကသါလီၤအဂီၢ်တဖၣ် 
• တၢ်သူနီၣ်ကျၢၢ်ဘၢမဲာ်မ့တမ့ၢ်တၢ်ကသါထီၣ်ကသါလီၤတၢ်အဂီၢ်လၢကမျၢၢ်တၢ်သူၣ်ထီၣ်အဒွဲပူၤတၢ်ဆီလီၤပာ်လီၤတဖၣ် (MMWR, 2/4/22)
• CDC- မ့ၢ်တၢ်ကဃုထၢ,ဖျီၣ်ဒီးမၤကဆှီနနီၣ်ကျၢၢ်ဘၢမဲာ်တဖၣ်ဒ်လဲၣ်k 
• CDC- သူနီၣ်ကျၢၢ်ဘၢမဲာ်တခါလၢတၢ်ကမၤစၢၤဒီသဒၢ COVID-19
• NYSDOH- နီၣ်ကျၢၢ်ဘၢမဲာ်ဒီးတၢ်ကးဘၢမဲာ်သၣ်အတၢ်နဲၣ်ကျဲ.